თბილისი, 23 ივლისი — Sputnik. ახალგაზრდა ინდოელი ქალი მოხუც უსინათლო მამაკაცს დაეხმარა და სრულიად მოულოდნელად ქონების მფლობელი გახდა, იუწყება NDTV.
ირკვევა, რომ ქუჩაში მიმავალმა სუპრიამ (ასე ჰქვია ქალს) დაინახა, როგორ ცდილობდა მოხუცი დასწეოდა ავტობუსს, მაგრამ ვერ ახერხებდა ამას. მაშინ ქალი თავად გაედევნა ავტობუსს და კონტროლიორს მისი გაჩერება სთხოვა.
ამის შემდეგ სუპრიამ მოხუცს ხელი მოჰკიდა, ტრანსპორტთან მიიყვანა და ასვლაშიც დაეხმარა.
she made this world a better place to live.kindness is beautiful!😍
— Vijayakumar IPS (@vijaypnpa_ips) July 8, 2020
உலகம் அன்பான மனிதர்களால் அழகாகிறது#kindness #love pic.twitter.com/B2Nea2wKQ4
ქალს წარმოდგენაც კი არ შეეძლო, რომ ამ ყველაფერს ვიღაც კამერით იღებდა. ვიდეო, რომელიც სოციალურ ქსელ Twitter-ში 8 ივლისს გამოაქვეყნა მომხმარებელმა Vijayakumar IPS, მალე ვირუსულად იქცა — სულ რაღაც ერთ წუთში ის მილიონობით ადამიანმა ნახა და გაიზიარა. სუპრიას საქციელს მთელი ქვეყანა იწონებდა.
'Kindness is beautiful': A few days back a woman who helped visually-impaired man to get on the bus is now invited to meet chairman of #Joyallukas and was gifted a residential house. pic.twitter.com/haCdGpLyjv
— Amar Prasad Reddy (@amarprasadreddy) July 21, 2020
მალე ახალგაზრდა ქალის შესახებ ინდოელმა საიუველირო მაგნატმა ჯო ალუკასმა შეიტყო და გადაწყვიტა დაეჯილდოებინა სუპრია. ოლიგარქმა გაარკვია, რომ ის კეთილმოუწყობელ ნაქირავებ ოთახში ცხოვრობდა და საფეიქრო ფაბრიკაში მუშაობდა. იმისათვის, რომ სუპრიას მძიმე ცხოვრება შეემსუბუქებინა, ალუკასმა მას ბინა აჩუქა.
ამით ოლიგარქმა ბევრი სხვა ადამიანიც წაახალისა სიკეთის კეთებისკენ.