მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

გმო-ვაქცინა კორონავირუსის წინააღმდეგ: ევროკავშირის საბჭომ გამონაკლისი დაუშვა

CC0 / Pixabay / ვაქცინაცია
ვაქცინაცია - Sputnik საქართველო
გამოწერა
გენმოდიფიცირებული ორგანიზმების შემცველი ვაქცინის შექმნაზე ევროკავშირის საბჭომ გამონაკლისი დაუშვა, რათა კორონავირუსის საწინააღმდეგო პრეპარატის შექმნაში „ძვირფასი დრო“ არ დაიკარგოს.

თბილისი, 15 ივლისი — Sputnik. ევროკავშირის საბჭომ ნებართვა გასცა კორონავირუსის საწინააღმდეგო ვაქცინისა და წამლების გამოცდაზე, რომლებიც გენმოდიფიცირებულ ორგანიზმებს შეიცავს, ნათქვამია საბჭოს განცხადებაში.

პრეპარატის დამზადება ლაბორატორიაში - Sputnik საქართველო
რუსეთში დასრულდა მსოფლიოში პირველი COVID-19-ის საწინააღმდეგო ვაქცინის გამოცდა

როგორც ევროკავშირის საბჭოში განმარტეს, აღნიშნული გამონაკლისი დროებითაა დაშვებული კორონავირუსის ეპიდემიის პერიოდში, რათა COVID-19-ის მკურნალობისთვის აუცილებელი პრეპარატების მიღება დაჩქარდეს.

„COVID-19-ის საწინააღმდეგო ვაქცინა სასწრაფოდ გვესაჭიროება. აღნიშნული რეგლამენტი გვაძლევს გარანტიას, რომ ევროკავშირში კლინიკური გამოცდები დაყოვნების გარეშე დაიწყება და ძვირფასი დრო არ დაიკარგება. დღეს მიღებული აქტი აჩვენებს, რომ ევროკავშირი მზადაა საკუთარ თავზე აიღოს გლობალური ძალისხმევა უსაფრთხო და ეფექტური ვაქცინის შექმნის უზრუნველსაყოფად“, — განაცხადა გერმანიის ჯანდაცვის მინისტრმა იენს სპანმა.

გავრცელებული ინფორმაციით, გმო–პრეპარატების გამოცდა 18 ივლისიდან დაიწყება — გარემოზე შესაძლო ზემოქმედების წინასწარი შეფასების გარეშე.

ამასთან აღინიშნება, რომ გმო–პრეპარატების გაყიდვა შესაძლებელი მხოლოდ ევროკომისიის მიერ უფლებამოსილი ორგანოებისგან სპეციალური ნებართვის მიღების შემდეგ იქნება.

 

ყველა ახალი ამბავი
0