თბილისი, 2 ივლისი — Sputnik. ახალგაზრდა დედამ მოჩვენებების არსებობა მას შემდეგ ირწმუნა, რაც ერთ დღეს ვიდეოძიძის ეკრანზე შვილის თავთან ვიღაცის ხელები დააფიქსირა, იუწყება The Sun.
Mum shares terrifying moment she saw a 'ghost' trying to snatch her son on the baby monitor https://t.co/IjF4IJNwq2
— The Sun (@TheSun) July 1, 2020
გავრცელებული ინფორმაციით, ეს ამბავი 28 წლის ბრიტანელ ჩარლი დევისს მიმდინარე წლის თებერვალში შეემთხვა.
ირკვევა, რომ შინ მარტო მყოფმა დედამ ოთხი თვის ვაჟი აიზეკი დასაძინებლად დააწვინა, ვიდეოძიძა ჩართო და თავად სამზარეულოში გავიდა დასალაგებლად. რაღაც მომენტში ქალმა ეკრანს შეხედა და შვილის თავთან ვიღაცის ხელები დაინახა.
„შოკში ჩავვარდი. მეგონა, რომ ოთახში ვიღაც შეიპარა ბავშვის გასატაცებლად“, — ამბობს ჩარლი, რომელიც მყის შვილისკენ გაიქცა.
მაგრამ საძინებელში შევარდნილ დედას იქ არავინ დახვდა აიზეკის მეტი, რომელსაც ტკბილად ეძინა. თუმცა ვიდეოძიძის ეკრანზე ისევ ჩანდა ხელები.
შეძრწუნებულმა ჩარლი დევისმა ეკრანისთვის ფოტოს გადაღება მოასწრო, რის შემდეგაც ელექტროძიძა თავისით გამოირთო, ხოლო როცა კვლავ ჩაირთო, ეკრანზე აღარავინ ჩანდა.
BUMP IN THE NIGHT Mum shares terrifying moment she saw a ‘ghost’ trying to snatch her son on the baby monitorhttps://t.co/0tDpwM6j78 pic.twitter.com/zrix8xLarv
— dada (@dadababako1966) July 2, 2020
ირკვევა, რომ ქალმა დახმარებისთვის მედიუმს მიმართა, რომლის თქმითაც ხელები, დიდი ალბათობით, ჩარლის ქმრის მშობლებს ეკუთვნოდა.
საქმე ისაა რომ ბებია და ბაბუა ვერ მოესწრნენ შვილიშვილს — ისინი აიზეკის დაბადებამდე ცოტა ხნით ადრე გარდაიცვალნენ. როგორც ჩანს, მათმა სულებმა იპოვეს გზა, მოენახულებინათ შვილიშვილი და ეზრუნათ მასზე, ვინაიდან იმ მომენტში ბავშვი სერიოზულად იყო გაციებული.
ჩარლი დევისის თქმით, იმ დღის შემდეგ მას მსგავსი აღარაფერი შეუნიშნავს.