12:54 03 აგვისტო 2020
პირდაპირი ეთერი
  • EUR3.6420
  • 100 RUB4.1573
  • USD3.0721
მსოფლიოში
მოკლე ბმულის მიღება
COVID-19-ის პანდემია მსოფლიოში (1055)
1181 0 0

ოქსფორდში ჩატარებულმა კვლევებმა აჩვენა, რომ ანთების საწინააღმდეგო პრეპარატი COVID-19-ით დაავადებული მძიმე პაციენტების სიკვდილიანობის რისკს 35%-ით ამცირებს.

თბილისი, 17 ივნისი — Sputnik. ჯანდაცვის მსოფლიო ორგანიზაციის დირექტორმა ტედროს ადანომ გებრეიესუსმა „სამეცნიერო გარღვევად“ შეაფასა დიდ ბრიტანეთში სტეროიდ „დექსამეტაზონის“ გამოცდა COVID-19-ის სამკურნალოდ. 

​როგორც ოქსფორდის კვლევებმა აჩვენა, ანთების საწინააღმდეგო პრეპარატი „დექსამეტაზონი“ COVID-19-ით დაავადებული და ფილტვების ხელოვნური ვენტილაციის აპარატზე მიერთებული პაციენტის გარდაცვალების რისკს 35%-ით ამცირებს, ხოლო ჟანგბადის მიმღები ინფიცირებულებისას — 20%-ით.

აღსანიშნავია, რომ ერთი კოლოფი პრეპარატის ფასი ბრიტანეთში ხუთ გირვანქა სტერლინგს შეადგენს. დიდი ბრიტანეთის ხელისუფლებამ სამშაბათს „დექსამეტაზონი“ ოფიციალურად მიიღო COVID-19-ის სამკურნალოდ.

„ეს პირველი წამალია, რომელმაც სიკდილიანობის დონის შემცირება აჩვენა COVID-19-ით დაავადებულ იმ პაციენტებში, რომლებსაც აუცილებლად ესაჭიროებათ ჟანგბადით მკურნალობა ან ფილტვების ხელოვნური ვენტილაცია“, — განაცხადა ჯანმოს გენერალურმა დირექტორმა.

გებრეიესუსმა ცდების შედეგებს „შესანიშნავი ახალი ამბავი“ უწოდა.

ჯანმოში აცხადებენ, რომ დიდმა ბრიტანეთმა ორგანიზაციას კვლევის წინასწარი შედეგები უკვე წარუდგინა და იმედს გამოთქვამენ, რომ მალე მონაცემების სრულ ანალიზსაც მიიღებენ.

 

თემები:
COVID-19-ის პანდემია მსოფლიოში (1055)

მთავარი თემები