თბილისი, 26 მაისი — Sputnik. ინდონეზიის სოფელ დევუნგში უცნაური ობიექტი ჩამოვარდა, რომელიც ფორმით გიგანტურ ჩინურ საჰაერო ფანარს ჰგავდა, იუწყება გამოცემა Detik.
გავრცელებული ინფომაციით, ეს პირველი შემთხვევა არ არის ინდონეზიაში, როცა ციდან მსგავსი საგნები ცვივა.
Banyak balon udara terbang liar di langit Solo, Yogya hingga Semarang. Lanud Adisutjipto melakukan penyelidikan untuk mengetahui dari mana asal balon udara itu. https://t.co/Y3lDoznZAY
— detikcom (@detikcom) May 25, 2020
თვითმხილველების თქმით, ობიექტი გამჭვირვალე პლასტიკური მასალისგან იყო დამზადებული და წებოვანი ლენტით დამაგრებული. ძირში მას ჰქონდა ჭურჭელი, რომელიც დიზელის საწვავში დასველებული ჩვრებით იყო გამოტენილი.
„ცაში დაახლოებით რვა მსგავსი საგანი ჩანდა. ერთი მათგანი ჩამოვარდა, დანარჩენები კი დასავლეთისკენ წავიდნენ“, — განაცხადა ერთ-ერთმა თვითმხილველმა.
გამოცემა აღნიშნავს, რომ იდუმალი ობიექტები ანათებდნენ, რის გამოც ადგილობრივებს ისინი თავდაპირველად ვარსკვლავები ეგონათ. სავარაუდოდ, სინათლეს ჭურჭელში მოთავსებული აალებადი მასალა გამოსცემდა, რომელიც იწვოდა და ამ გზით უზრუნველყოფდა ობიექტების ცაში ფრენას.
საიდან გაჩნდა უცნაური ობიექტები ცაში, ამ დრომდე არ არის დადგენილი.