Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ტრამპმა ჯანმოს დირექტორს ულტიმატუმი წაუყენა: ვადა - 30 დღე

© AP Photo / Alex Brandonპრეზიდენტი დონალდ ტრამპი COVID 19-ის ახალ ტესტებს წარადგენს
პრეზიდენტი დონალდ ტრამპი COVID 19-ის ახალ ტესტებს წარადგენს  - Sputnik საქართველო
გამოწერა
დონალდ ტრამპის წერილში ნათქვამია, რომ ჯანმოსა და მისი დირექტორის სისტემატური შეცდომები მსოფლიოს ძალიან ძვირი დაუჯდა.

თბილისი, 19 მაისი — Sputnik. ვაშინგტონი სრულად შეწყვეტს ჯანდაცვის მსოფლიო ორგანიზაციის დაფინანსებას და გადახედავს წევრობის საკითხს, თუ ორგანიზაცია 30 დღის განმავლობაში არ ჩაატარებს რეფორმებს, რომლებსაც აშშ მოითხოვს, ნათქვამია პრეზიდენტ დონალდ ტრამპის წერილში ჯანმოს გენერალური დირექტორის ტედროს ადანომ გებრეიესუსისადმი.

​ამერიკის ლიდერის თქმით, მისმა ადმინისტრაციამ გამოიძია ჯანმოს „წარუმატებელი რეაგირება“ კორონავირუსის პანდემიაზე.

„ამ შემოწმებამ დაადასტურა ბევრი სერიოზული საფრთხე, რომლებსაც მე ვასახელებდი ბოლო თვეში, და ასევე გამოავლინა სხვებიც, რომლებზე რეაგირებაც ჯანმოს უნდა მოეხდინა. განსაკუთრებით შემაშფოთებელია ორგანიზაციის დამოკიდებულება ჩინეთის მიმართ“, — ნათქვამია ტრამპის წერილში.

აშშ-ის პრეზიდენტი ჯანმოსგან ორგანიზაციის „მნიშვნელოვან გაუმჯობესებას“, უპირველესად, სწორედ ჩინეთისგან დამოუკიდებლობას მოითხოვს. 

დონალდ ტრამპი - Sputnik საქართველო
„ჩვენ ყველაზე მეტს ვიხდით“: ტრამპი მალე გადაწყვეტს „ჩინეთის მარიონეტის“ საკითხს

„ნათელია, რომ თქვენი სისტემატური შეცდომები და ორგანიზაციის შეცდომები პანდემიაზე რეაგირების კუთხით მსოფლიოს ძალიან ძვირი დაუჯდა“, — ხაზგასმულია ტრამპის წერილში.

ამასთან აშშ-ის ლიდერი აღნიშნავს, რომ უკვე დაიწყო ჯანმოსთან ორგანიზაციის რეფორმირებაზე მსჯელობა.

დონალდ ტრამპმა აპრილში განაცხადა, რომ აჩერებს ჯანდაცვის მსოფლიო ორგანიზაციის დაფინანსებას, რომელსაც კორონავირუსის აფეთქებაზე არასაკმარისად ოპერატიულ რეაგირებაში და ასევე საზოგადოების დაგვიანებით ინფორმირებაში ადანაშაულებდა.

ყველა ახალი ამბავი
0