მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

„ასე არ გამოვა“: გერმანია ბრიტანეთის სიჯიუტით უკმაყოფილოა

© photo: Sputnik / Alexey Vitvitskiy / გადასვლა მედიაბანკშიჰაიკო მაასი
ჰაიკო მაასი - Sputnik საქართველო
გამოწერა
გერმანელი მინისტრის თქმით, თუ ბრიტანეთის გამო „ყველაფერი ისე დარჩება, როგორც არის, წლის ბოლოს, კორონავირუსის კრიზისთან ერთად Brexit–ის გადალახვაც“ მოუწევს ევროკავშირს

თბილისი, 9 მაისი — Sputnik. ევროკავშირი და დიდი ბრიტანეთი კვლავ შორს არიან შეთანხმებისგა, რომელმაც Brexit–ის შემდეგ საკვანძო მიმართულებებით ურთიერთობების აგება უნდა განსაზღვროს, განაცხადა გერმანიის საგარეო საქმეთა მინისტრმა ჰაიკო მაასმა გამოცემა Augsburger Allgemeine-სთან ინტერვიუში. 

„შეშფოთებას იწვევს ის ფაქტი, რომ დიდი ბრიტანეთი მოლაპარაკებებში კვლავ შორსაა ჩვენი ერთობლივი  პოლიტიკური დეკლარაციის ძირითადი პუნქტებისგან. ასე არ გამოვა. მოლაპარაკებები ხომ სრულ პაკეტს წარმოადგენს, როგორც ეს დეკლარაციაშია ნათქვამი “, — აღნიშნა მაასმა.

გერმანელი მინისტრის თქმით, თუ ბრიტანეთის გამო „ყველაფერი ისე დარჩება, როგორც არის, წლის ბოლოს, კორონავირუსის კრიზისთან ერთად Brexit–ის გადალახვაც“ მოუწევს ევროკავშირს. 

სუპერმარკეტში კორონავირუსის დროს - Sputnik საქართველო
ევროპა ზარალს ითვლის: მართლდება ყველაზე ცუდი მოლოდინები

აღსანიშნავია, რომ ევროკავშირისა და ბრიტანეთის წარმომადგენლებს შორის აპრილში გამართულ მოლაპარაკებებზე ძირითად საკითხებში მნიშვნელოვანი პროგრესი არ დაფიქსირებულა. მოლაპარაკებების შემდეგი რაუნდი 11 მაისსაა დანიშნული.

როგორც ევროკავშირის მთავარი მომლაპარაკებელი მიშელ ბარნიე აცხადებს, ბრიტანეთი უარს ამბობს ნებისმიერ კომპრომისზე ბიზნესის წარმოებისთვის ბალინსირებული პირობების, ადამიანებისა და ტვირთების თავისუფალი გადაადგილებისა და სხვა საკითხებში.

თავის მხრივ, ბრიტანეთს იმედი აქვს, რომ წლის ბოლომდე მიაღწევს შეთანხმებას თავისუფალი ვაჭრობის შესახებ. წინააღმდეგ შემთხვევაში, გარდამავალი პერიოდის დასრულების შემდეგ,  ქვეყანა ევროკავშირთან მსოფლიო სავაჭრო ორგანიზაციის ტარიფებითა და პირობებით ივაჭრებს. ეს კი, ექსპერტების აზრით, მკვეთრად ნეგატიურად აისახება თავად გაერთიანებული სამეფოების ეკონომიკაზე.

დიდი ბრიტანეთი ევროკავშირის შემადგენლობიდან ოფიციალურად მიმდინარე წლის 1 თებერვალს გავიდა. გარდამავალი პერიოდი, რომლის განმავლობაშიც ლონდონი და ბრიუსელი ეკონომიკური ურთიერთობების ძველ ფორმატს ინარჩუნებენ, 2020 წლის 31 დეკემბერს იწურება.

 

ყველა ახალი ამბავი
0