თბილისი, 6 მაისი — Sputnik. მექსიკის ქალაქ სოკონუსკოს თავმა როლანდო როსასმა კორონავირუსის წინააღმდეგ ბრძოლის დამატებითი ზომები მიიღო — მან ქალაქის მოსახლეობას COVID-19-ით სიკვდილი აუკრძალა, იუწყება POLÍTICO México.
Alcalde prohíbe morir de #COVID19 a pobladores de Soconusco, Veracruz, así quedó decretado en una lona colocada en el domo central del municipio. https://t.co/j2W4fn0OEP pic.twitter.com/I8XjcWknA9
— POLÍTICO México (@politicomx) May 4, 2020
შესაბამისი ბანერი განთავსებულია დასახლებული პუნქტის ცენტრში.
„სოკონუსკოს მუნიციპალიტეტის ბრძანების შესაბამისად, მოქალაქეებს მკაცრად ეკრძალებათ კორონავირუსით ინფიცირების შედეგად სიკვდილი“, — წერია ბანერზე.
მანამდე მასმედიით გავრცელდა ინფორმაცია, რომ მექსიკის პრეზიდენტმა ანდრეს მანუელ ლოპეს ობრადორმა კრიმინალურ ორგანიზაციებს მიმართა თხოვნით, დახმარებოდნენ ქვეყნის მოქალაქეებს. ირკვევა, რომ პრეზიდენტმა ეს განცხადება პრესკონფერენციის დროს გააკეთა.
