თბილისი, 28 აპრილი — Sputnik. პეკინელი ინტერნეტ-აქტივისტები უგზო-უკვლოდ გაუჩინარდნენ მას შემდეგ, რაც ისინი პოლიციამ დააკავა კორონავირუსის შესახებ აკრძალული სტატიების შენახვის გამო, იუწყება მასმედია.
3 young ppl tried to preserve censored #COVID19 articles on a website, then they went missing until families of Cai Wei & Tang got police notices of their punishment 4 "instigating troubles:" "residential surveillance in (police) designated locations." Chen Mei's fate unknown. https://t.co/Ppti6xEgWn
— CHRD人权捍卫者 (@CHRDnet) April 26, 2020
გავრცელებული ინფორმაციით, ჩენ მეი, ცაი ვეი და მისი მეგობარი გოგონა გვარად ტანგი 19 აპრილს დაკითხა პოლიციამ, რის შემდეგაც ისინი აღარ გამოჩენილან.
როგორც პოლიციამ აცნობა ახალგაზრდების ოჯახებს, ვეისა და ტანგს ბრალი არეულობის პროვოცირებაში ედებათ, რის გამოც ისინი ახლა მეთვალყურეობის ქვეშ იმყოფებიან. ჩენ მეის ძმა კი ამ დრომდე ელოდება ხელისუფლებისგან ოფიციალურ დასტურს იმის შესახებ, რომ ის ნამდვილად დაკავებულია.
„იმის გათვალისწინებით, რომ ჩენიცა და ცაიც ერთი პროექტის მონაწილეები იყვნენ, ეჭვი გვაქვს, რომ მათი გაუჩინარება სწორედ ამ პროექტს უკავშირდება“, — აცხადებს ჩენ კუნი.
ცნობილი ხდება, რომ პროექტის საიტზე განთავსებულ სტატიებში საუბარი იყო ხელისუფლების მიერ აკრძალულ პუბლიკაციებზე კორონავირუსის შესახებ. მაგალითად, უჰანის მცხოვრებთა მონათხრობები და ასევე ცნობილი ინტერვიუ ქალაქის ცენტრალური საავადმყოფოს ექიმ აი ფენთან, რომელიც ერთ-ერთი პირველი იტყობინებოდა დაავადების აფეთქებაზე.
მასმედიის ინფორმაციით, ჩინეთის ხელისუფლება ხშირად იყენებს ბრალდებად „არეულობის პროვოცირებას“ აქტივისტების მიმართ, რაც ხუთ წლამდე პატიმრობას ითვალისწინებს.
აღსანიშნავია, რომ მანამდე მასმედია წერდა სამი ჟურნალისტის გაუჩინარების თაობაზეც, რომლებიც უჰანში ვირუსის აფეთქებას აშუქებდნენ. გავრცელებული ინფორმაციით, რეპორტიორები ჩენ ციუში, ფან ბინი და ლი ცზეჰუა ცდილობდნენ ეჩვენებინათ ეპიდემიის რეალური მასშტაბები ქალაქში, რისთვისაც YouTube-სა და Twitter-ზე ვიდეოებს ტვირთავდნენ ცხედრებით გადავსებული პროზექტურებიდან და ასევე საავადმყოფოებიდან.
‘China’s deceits continue, most of which are deadly. Those who tried to tell the truth at the epidemic onset have not been seen for 2 months’. 3 whistleblowers, Chen Qiushi, Fang Bin & Li Zehua who shared videos of what happened have disappeared👇🏻 https://t.co/jheywFs8CW
— Fernando Amandi Sr. 🇺🇸 (@FernandoAmandi) April 24, 2020
ჟურნალისტები 6-დან 26 თებერვლამდე პერიოდში გაუჩინარდნენ, მათი ადგილსამყოფელი ამ დრომდე უცნობია.
