თბილისი, 21 აპრილი — Sputnik. ირანის ციხეებიდან ათასზე მეტი უცხოელი პატიმარი გაათავისუფლეს კორონავირუსის ეპიდემიის გამო, განაცხადა ქვეყნის სასამართლო ხელისუფლების ოფიციალურმა წარმომადგენელმა გოლიამჰოსეინ ესმაილიმ.
„გავათავისუფლეთ რა ციხეებიდან ასი ათასი პატიმარი, ჩვენ ასევე გავათავისუფლეთ ათასზე მეტი უცხოელი მოქალაქე“, — ციტირებს სააგენტო Mizan Online ესმაილის სიტყვებს.
გავრცელებული ინფორმაციით, მათ შორის არიან პირები, რომლებსაც ირანის უსაფრთხოების წინააღმდეგ დანაშაულის ჩადენაში ედებოდათ ბრალი. ხელისუფლებამ აღიარა, რომ ეს პირები საზოგადოებისთვის საფრთხეს არ წარმოადგენენ, ვინაიდან მძიმე დანაშულები არ ჩაუდენიათ.
ჯონს ჰოპკინსის უნივერსიტეტის სპეციალური პროექტის მონაცემებით, ვირუსის აფეთქების მომენტიდან დღემდე ირანში კორონავირუსით ინფიცირება დაუდგინდა 83 505 ადამიანს. აქედან გარდაიცვალა 5 209 და განიკურნა 59 273 პაციენტი.
