თბილისი, 10 აპრილი – Sputnik. ოკეანოლოგებმა ინდოეთის ოკეანეში გიგანტური სიფონოფორა აღმოაჩინეს და ღრმაწყლოვანი აპარატის დახმარებით ვიდეოზე აღბეჭდეს.
ვიდეოკადრები შმიდტის ინსტიტუტის Twitter-ზეა გამოქვეყნებული, რომლის სპეციალისტებსაც ეკუთვნით ეს აღმოჩენა.
Check out this beautiful *giant* siphonophore Apolemia recorded on #NingalooCanyons expedition. It seems likely that this specimen is the largest ever recorded, and in strange UFO-like feeding posture. Thanks @Caseywdunn for info @wamuseum @GeoscienceAus @CurtinUni @Scripps_Ocean pic.twitter.com/QirkIWDu6S
— Schmidt Ocean (@SchmidtOcean) April 6, 2020
მეცნიერების თქმით, გიგანტური სიფონოფორას გარე წრის დიამეტრი დაახლოებით 15 მეტრია, ხოლო სიგრძე 50 მეტრს აღწევს.
„სრულიად სარწმუნოა, რომ ეს ყველაზე დიდი ეგზემპლარია მათ შორის, რაც მეცნიერებისთვისაა ცნობილი“, — ნათქვამია ინსტიტუტის განცხადებაში.
ამერიკელი ბიოლოგი რებეკა ჰელმი ვარაუდობს, რომ შმიდტის ინსტიტუტის ოკეანოლოგების მიერ ნაპოვნი სიფონოფორა ათობით და შესაძლოა ასობით წლის განმავლობაშიც ვითარდებოდა. ბიოლოგის თქმით, მის მიერ ნანახ ეგზემპლართა დიდი ნაწილი სიგრძით ერთ მეტრზე მეტი არ ყოფილა.
სიფონოფორები — ეს წყალქვეშა მტაცებელი კოლონიებია, რომლებიც ათასობით მცირე კლონებისგან შედგება. მათი ზოგი სახეობა ადამიანისთვის სასიკვდილო საფრთხეს წარმოადგენს.
