თბილისი, 25 მარტი — Sputnik. ჩინეთში ამჯერად ჰანტავირუსით გარდაცვალების შემთხვევა დაფიქსირდა, იუწყება Global Times-ი.
A person from Yunnan Province died while on his way back to Shandong Province for work on a chartered bus on Monday. He was tested positive for #hantavirus. Other 32 people on bus were tested. pic.twitter.com/SXzBpWmHvW
— Global Times (@globaltimesnews) March 24, 2020
გავრცელებული ინფორმაციით, პროვინცია იუნნანში მცხოვრები მამაკაცი პირდაპირ ავტობუსში გარდაიცვალა. ექიმებმა უკვე შეამოწმეს ყველა მგზავრი.
აღინიშება, რომ ეს ჰანტავირუსით სიკვდილის პირველი დაფიქსირებული შემთხვევაა.
ჰანტავირუსი — ადამიანისა და ცხოველების ვირუსის სახეობაა, რომლის ტიპიური შტამი პირველად 1978 წელს აღწერეს. ვირუსი იწვევს ჰანტავირუსულ ფილტვისმიერ სინდრომს — ინფექციურ დაავადებას, რომელიც ხასიათდება გრიპის მსგავსი სიმპტომებით და შეიძლება სწრაფად გამოიწვიოს სიცოცხლისთვის საშიში სუნთქვის პრობლემები.
ვირუსები გადააქვთ მღრღნელებს, განსაკუთრებით, ირმის თაგვს. დაინფიცირების ძირითადი გზაა მღრღნელების შარდითა და განავლით ჰაერში მოხვედილი ჰანტავირუსების ჩასუნთქვა. იმის გამო, რომ მკურნალობის მეთოდები შეზღუდულია, საუკეთესო თავდაცვა ჰანტავირუსული ფილტვისმიერი სინდრომისგან არის მღრღნელებისა და მათი გავრცელების ადგილებისგან თავის არიდება.
სპეციალისტების თქმით, ჰანტავირუსს არ ახასიათებს ადამიანიდან ადამიანზე გადაცემა, თუმცა ამგვარი შემთხვევები მაინც არის დაფიქსირებული მხოლოდ არგენტინისა და ჩილეს ტერიტორიებზე.
