თბილისი, 10 მარტი — Sputnik. ახალი ტიპის კორონავირუსის აფეთქების ეპიცენტრში, ჩინეთის ქალაქ უჰანში ყველა ის დროებითი ჰოსპიტალი დაიხურა, რომლებიც COVID-19-ით დაავადებულების მისაღებად იყო მოწყობილი სტადიონებსა და საგამოფენო ცენტრებში, იუწყება ჩინური მასმედია.
Zero medical staff infections and zero deaths. With all recovering #coronavirus patients discharged, another temporary hospital in #Wuhan accomplished its mission and successfully closed down on March 9. #COVID19 #China pic.twitter.com/zMN2Jhu0QX
— T-House (@thouse_opinions) March 10, 2020
„უჰანის სტადიონზე 10 მარტს დროებითი ჰოსპიტლის „უჩანის“ დახურვის ცერემონია გაიმართა. უჰანის ყველა დროებით ჰოსპიტალს შორის „უჩანი“ ყველაზე ბოლოს გადავიდა „დასვენების რეჟიმში“. დღეს პაციენტთა ბოლო ჯგუფი სრულად გაეწერა საავადმყოფოდან“, — წერს გამოცემა ThePaper.cn.
So long and stay safe! The last temporary hospital in #Wuhan for mild #COVID19 patients was closed on Tuesday. All venues will undergo rounds of disinfection before they are open again to the public. pic.twitter.com/clf6Mu0jUX
— People's Daily, China (@PDChina) March 10, 2020
ბოლო მონაცემებით, მსოფლიოს 115 ქვეყანაში კორონავირუსით ინფიცირების 114 544 შემთხვევაა დაფიქსირებული. აქედან ჩინეთზე 80 756 მოდის, სადაც ეს მაჩვენებელი ბოლო დღეებში უმნიშვნელოდ იზრდება. სულ ჩინეთში გარდაიცვალა 3 136 ადამიანი, გამოჯანმრთელდა და საავადმყოფოებიდან გაეწერა 60 090 პაციენტი.
COVID-19-ის შემთხვევები იზრდება: იტალიაში, სადაც უკვე 9 172 ადამიანია ინფიცირებული, სამხრეთ კორეაში (7 513 ინფიცირებული), ირანში (7 161), საფრანგეთში (1 412), ესპანეთში (1 231), გერმანიასა (1 224) და აშშ-ში (755). სულ მსოფლიოს მასშტაბით ინფიცირებულთაგან გარდაიცვალა 4 026 ადამიანი, გამოჯანმრთელდა 64 031 პაციენტი.
