თბილისი, 20 თებერვალი — Sputnik. მსოფლიოს ყველაზე ლამაზ მამაკაცად მეცნიერებმა ბრიტანელი მსახიობი რობერტ პატისონი დაასახელეს, იუწყება გამოცემა The Sun-ი.
მსახიობმა, რომელსაც ამჟამად ბეტმენის შესახებ მორიგ ფილმში იღებენ, ბრედ პიტსა და დევიდ ბექჰემს მეცნიერული კვლევის საფუძველზე გადაუსწრო, რომელიც ძველბერძნული „ოქროს კვეთის“ პრინციპით ჩატარდა. გაირკვა, რომ რობერტ პატისონის პროპორციები სრულყოფილია 92,15%-ით.
ოქროს კვეთის პრინციპი განსაზღვრავს ფიზიკურ მომხიბლაობას ტუჩების, ნიკაპის, თვალებისა და სახის სხვა ნაწილების ზომების შეფარდებით.
ამ პრინციპით მეორე ადგილი ყველაზე ლამაზ მამაკაცებს შორის მეცნიერებმა ჰენრი კავილს მიაკუთვნეს (91,64%), მესამე — ბრედლი კუპერს (91,08%), ხოლო მეოთხე — ბრედ პიტს (90,51%).
Robert Pattinson named most beautiful man in the world by scientists – beating Brad Pitt and David Beckham https://t.co/Wgc3TlsIbV
— The Sun Tech (@TheSunTech) February 4, 2020
გასულ წელს მეცნიერების რჩეული იყო მსახიობი ჯორჯ კლუნი, რომელიც წელს რეიტინგში მეხუთე პოზიციაზე აღმოჩნდა 89,91%-იანი მაჩვენებლით — სახის ასაკობრივი ცვლილებების გამო.
„იდეალური“ ციფრები, კომპიუტერული ტექნოლოგიების დახმარებით, ლონდონის კოსმეტიკური და პლასტიკური ქირურგიის ცენტრის ხელმძღვანელმა ჯულიან დე სილვამ განსაზღვრა.
