09:11 19 თებერვალი 2020
პირდაპირი ეთერი
  • EUR3.1010
  • 100 RUB4.4902
  • USD2.8631
მსოფლიოში
მოკლე ბმულის მიღება
მსოფლიო დღეს (1118)
99940

იდუმალი მამაკაცი ჯერ კიდევ გასული წლის ბოლოს შენიშნეს. ის მაღაზიებში დადიოდა და, გარდა იმისა, რომ გაჭირვებული ხალხის ვალებს იხდიდა, ასევე ფულს ურიგებდა ბავშვებსა და უპოვრებს ქუჩაში.

თბილისი, 13 თებერვალი — Sputnik. იდუმალმა კეთილისმყოფელმა პროდუქტების მაღაზიაში რაიონის ყველა მოვალის ნისია გაისტუმრა, იუწყება ტელეარხი NTV. 

შემთხვევა თურქეთის ქალაქ დიარბაქირში მოხდა, სადაც მოსახლეობა პატარა მაღაზიებში ხშირად ყიდულობს საკვებს ნისიად.

„ამ დღეებში მაღაზიაში მაღალი, შავგვრემანი მამაკაცი შემოვიდა და მითხრა, ყველას ვალის გასტუმრება მინდა, ვინც ნისიების რვეულში გიწერიაო. ვალების გასტუმრების შემდეგ, რამაც ჯამში 12,5 ათასი ლირა (2 ათას აშშ დოლარზე მეტი) შეადგინა, სტუმარმა რვეულიდან ვალის ფურცლები ამოგლიჯა, დაწვა და წავიდა“, — განუცხადა ტელეარხს მაღაზიის მეპატრონემ. 

მისი თქმით, მოვალეების დიდმა ნაწილმა თავიდან არც კი დაიჯერა, რომ მათი დიდი ხნის ნაგროვები ვალები გადახდილი იყო. 

გავრცელებული ინფორმაციით, იდუმალი მამაკაცი ჯერ კიდევ გასული წლის ბოლოს შენიშნეს თურქეთის სხვა პროვინციებში. ის ადგილობრივ მაღაზიებში დადიოდა და, გარდა იმისა, რომ გაჭირვებული ხალხის ვალებს იხდიდა, ასევე ფულს ურიგებდა ბავშვებსა და უპოვრებს ქუჩაში. ამასთან, ის არავის ეუბნებოდა სახელს და ამიტომ მადლიერმა ხალხმა მას რობინ ჰუდი შეარქვა.

 

თემები:
მსოფლიო დღეს (1118)

მთავარი თემები