თბილისი, 13 დეკემბერი — Sputnik. გაეროს გენერალურმა ასამბლეამ მიიღო რუსეთის მიერ წარდგენილი რეზოლუცია შეიარაღებებზე კონტროლის შესახებ შეთანხმებების სისტემის განმტკიცების თაობაზე, იუწყება საინფორმაციო სააგენტო РИА Новости.
ამას წინ უძღოდა აშშ-ის გასვლა საშუალო და მცირე სიშორის რაკეტების ლიკვიდაციის შესახებ შეთანხმებიდან გასვლა და მანამდე ამ შეთანხმებით აკრძალული რაკეტების გამოცდა. გარდა ამისა, დღემდე გაურკვეველია, რა ბედი ელის СНВ-3-ის შეთანხმებას.
რეზოლუცია სახელწოდებით „შეიარაღებებზე, განიარაღებასა და გაუვრცელებლობის კონტროლის შეთანხმებების სისტემების განმტკიცება და განვითარება“ მოუწოდებს ყველა სახელმწიფოს, სრულად შეასრულოს შეთანხმებების ყველა ნორმა.
დოკუმენტში ხაზგასმულია, რომ ეს ხელს შეუწყობს გლობალურ სტაბილურობასა და საერთაშორისო უსაფრთხოებას.
რეზოლუციის ავტორები თხოვნით მიმართავენ გაეროს გენერალურ მდივანს, განაგრძოს ასეთი შეთანხმებების შენარჩუნებისთვის მუშაობა და წაახალისოს სახელმწიფოები დამატებითი ზომების შემუშავებისთვის, რომლებიც ასეთი ტიპის შეთანხმებების გაფორმებას ხელს შეუწყობს.
