10:03 06 დეკემბერი 2019
პირდაპირი ეთერი
  • EUR3.2796
  • 100 RUB4.6333
  • USD2.9573
საბანკო ბარათები

ტაჯიკეთი ეროვნული გადარიცხვების სისტემას აამოქმედებს: მზად არიან თუ არა რუსეთის ბანკები

© photo: Sputnik / Vladimir Trefilov
მსოფლიოში
მოკლე ბმულის მიღება
მსოფლიო დღეს (757)
26 0 0

ახალი საპროცესო ცენტრის შექმნა ხელს შეუწყობს ფულადი გადარიცხვების ბაზრის განვითარებას და აამაღლებს მოსახლეობის ნდობის დონეს რესპუბლიკის საბანკო სისტემისადმი.

თბილისი, 2 დეკემბერი — Sputnik. ტაჯიკეთის ეროვნული საპროცესო ცენტრი ანგარიშების გაუხსნელად ფულადი გადარიცხვებისთვის 3 დეკემბერს ამუშავდება, იუწყება „Sputnik–ტაჯიკეთი“ ქვეყნის ეროვნული ბანკის პრეს-სამსახურზე დაყრდნობით. 

ეროვნული ბანკის ინფორმაციით, საპროცესო ცენტრის შექმნის მთავარი მიზანია გაიზარდოს ფულადი გადარიცხვების სისტემის ფუნქციონირების ეფექტურობა, ოპერაციების გამჭვირვალობა და ასევე შემცირდეს სატრანზაქციო რისკები.

აღნიშნული საპროცესო ცენტრის შექმნა იძლევა ახალ შესაძლებლობებს ფულადი გადარიცხვების ბაზრის განვითარებისთვის, რაც ხელს უწყობს მოსახლეობის ნდობის დონის ზრდას რესპუბლიკის საბანკო სისტემისადმი. გარდა ამისა, ის აუმჯობესებს მომხმარებელთა მომსახურების ხარისხს და საზღვარგარეთ ფულადი გადარიცხვების ოპერაციების მონიტორინგის შესაძლებლობას იძლევა.

მაგალითად, თუ მანამდე უცხოეთის (უპირატესად, რუსეთის) ბანკებს შორის გადარიცხვები პირდაპირ ხორციელდებოდა, ახლა ფულადი სახსრების გადაადგილება რუსეთიდან ტაჯიკეთის ეროვნული ბანკის კონტროლით მოხდება.

აღსანიშნავია, რომ მანამდე ყველაზე აქტიური ბანკებისა და საგადასახადო სისტემების წარმომადგენლებმა „Sputnik–ტაჯიკეთთან“ საუბრისას დაადასტურეს, რომ მზად არიან ახალ პირობებში სამუშაოდ. თუმცა ამ მომენტისთვის დაზუსტებით ცნობილი არ არის, გაფორმებულია თუ არა შეთანხმება რუსულ კომპანიებსა და ტაჯიკეთის ეროვნულ ბანკს შორის.

თემები:
მსოფლიო დღეს (757)

მთავარი თემები