01:20 31 ივლისი 2021
პირდაპირი ეთერი
  • EUR3.7174
  • 100 RUB4.2829
  • USD3.1244
მსოფლიოში
მოკლე ბმულის მიღება
მსოფლიო დღეს (2488)
113 0 0

მამაკაცმა საბაჟო კონტროლის გასავლელად „მწვანე დერეფნით“ ისარგებლა, თუმცა მებაჟეებმა მაინც ჩაუტარეს სკანირება და მის ორგანიზმში ლითონის საგნები დააფიქსირეს.

თბილისი, 29 ივლისი – Sputnik. ტაშკენტის აეროპორტის მებაჟეებმა დააკავეს მამაკაცი, რომელიც საზღვარზე 400 გრამზე მეტი ოქროს გატანას ცდილობდა კუჭით, იუწყება „Sputnik-უზბეკეთი“.

გავრცელებული ინფორმაციით, მამაკაცი ტაშკენტიდან დელიში მიფრინავდა და საბაჟო კონტროლის გასავლელად „მწვანე დერეფნით“ ისარგებლა. თუმცა მებაჟეებმა მაინც ჩაუტარეს სკანირება და მამაკაცის ორგანიზმში ლითონის საგნები დააფიქსირეს. 

საბოლოოდ გაირკვა, რომ უიღბლო კონტრაბანდისტს ოქროს 14 ცალი გლუვი, მცირე ზომის ზოდები ჰქონდა გადაყლაპული, საერთო წონით 434 გრამი. სავარაუდო ღირებულება დაახლოებით 17 ათას დოლარს შეადგენდა. 

Золото изъятое таможенной службой Узбекистана
უზბეკი მებაჟეების მიერ ამოღებული ოქროს ზოდები

აღსანიშნავია, რომ უზბეკი მებაჟეები რეგულარულად აკავებენ მგზავრებს, რომლებიც ქვეყნიდან ოქროს ზოდებისა და ნაკეთობების კონტრაბანდული გზით გატანას ცდილობენ. მაგალითად, მიმდინარე წლის მარტში ტაშკენტის აეროპორტში დააკავეს ორი ქალბატონი, რომლებსაც კუჭში დაახლოებით 15 ათასი დოლარის ღირებულების ოქროს თვითნაკეთი ზოდები აღმოუჩინეს.

ამ შემთხვევიდან ორ თვეში კი მებაჟეებმა კიდევ ერთი ქალი დააკავეს, რომელიც 19 გრამი ოქროს ზოდის გატანას ცდილობდა უცხოეთში.

როგორც ქვეყნის სახელმწიფო საბაჟო კომიტეტი იუწყება, კონტრაბანდისტებს ყველაზე ხშირად ტაშკენტიდან ოქრო ბაქოში, სტამბულსა და ინდოეთის სხვადასხვა ქალაქებში გააქვთ.

თემები:
მსოფლიო დღეს (2488)

მთავარი თემები