თბილისი, 12 მაისი — Sputnik. თბილისიდან დელის მიმართულებით მიმავალ თვითმფრინავს ავიაგამანადგურებლებმა აიძულეს მარშრუტისთვის გადაეხვია, იუწყება საზოგადოებრივი მაუწყებლის პირველი არხი.
თავდაპირველად თვითმფრინავი ქართული ეგონათ, თუმცა მოგვიანებით გაირკვა, რომ ის უკრაინული იყო.
საქმე ეხება АН-12-ს, რომლის ეკიპაჟსაც ინდოეთის ხელისუფლებამ საჰაერო სივრცის დარღვევაში დასდო ბრალი და ავიაგამანადგურებლებმა აიძულეს ლაინერს, ჯაიპურის აეროპორტში დაშვებულიყო.
ადგილზე მობილიზებული იყო პოლიცია და ანტიტერორისტული ქვედანაყოფი, რომელმაც თვითმფრინავი შეამოწმა. ამის შემდეგ მათ ეკიპაჟის წევრები დაკითხეს. პოლიციამ ბორტზე საეჭვო ვერაფერი აღმოაჩინა და სატვირთო საჰაერო ხომალდს ფრენის გაგრძელების საშუალება მისცა.