„ჟუჩოკი“ ავტომობილში - მამაკაცი ყოფილ შეყვარებულს ორი წელი უთვალთვალებდა

© Sputnik / Alexander Imedashviliავტომობილი პარკირებაზე
ავტომობილი პარკირებაზე - Sputnik საქართველო
გამოწერა
გამოძიების ვერსიით, მამაკაცმა, რომელიც რადიოტქნიკით იყო გატაცებული, სათვალთვალო მოწყობილობა თავად დახვეწა და ყოფილი შეყვარებულის კუთვნილ ავტომობილ BMW X3-ში დაყენა.

თბილისი, 11 ივლისი — Sputnik. ბაშკირეთის ქალაქ უფის მცხოვრები 41 წლის მამაკაცი სასამართლოს წინაშე წარსდგება იმის გამო, რომ ყოფილი შეყვარებულის ავტომობილში მალულად დააყენა სათვალთვალო მოწყობილობა, იუწყება ბაშკირეთის პროკურატურა. 

საქართველოს პრეზიდენტი თავის ქალიშვილთან ერთად - Sputnik საქართველო
პრეზიდენტის ქალიშვილმა თავისი ოჯახისა და მეგობრების თვალთვალის შესახებ განაცხადა

გამოძიების ვერსიით, მამაკაცმა, რომელიც რადიოტქნიკით იყო გატაცებული, სათვალთვალო მოწყობილობა თავად დახვეწა და ყოფილი შეყვარებულის კუთვნილ ავტომობილ BMW X3-ში დაყენა. შედეგად, ორი წლის განმავლობაში, სანამ ქალს უთვალთვალებდა, მოწყობილობიდან ღებულობდა ელექტრონულ შეტყობინებებს მისი ავტომობილის ადგილმდებარეობის შესახებ. 

როდესაც ქალმა დააფიქსირა, რომ მამაკაცი სულ უფრო და უფრო ხშირად ჩნდებოდა იმ ადგილებში, სადაც თავად იყო, ეჭვი გაუჩნდა, რომ უთვალთვალებდნენ და შესამოწმებლად ავტოსერვისს მიმართა.

„ავტოსერვისის თანამშრომლებმა, რომლებსაც ქალმა დახმარებისთვის მიმართა, ავტომობილში „ჟუჩოკი“ აღმოაჩინეს“, — ნათქვამია ბაშკირეთის პროკურატურის განცხადებაში. 

მამაკაცს ბრალად ედება პირის პირადი ცხოვრების შესახებ მონაცემების უკანონოდ შეგროვება და ასევე სპეციალური ტექნიკური მოწყობილობის უკანონოდ დამზადება, რომლის დანიშნულებაც ინფორმაციის ფარულად მიღებაა. 

აღსანიშნავია, რომ მამაკაცმა დანაშაული აღიარა. 

 

ყველა ახალი ამბავი
0