თბილისი, 18 მარტი — Sputnik. ტურისტთა ჯგუფს, რომლებიც დაუბაის უდაბნოში ჩარჩნენ, დუბაის საამიროს მმართველი (არაბთა გაერთიანებული საამიროების პრემიერ-მინისტრი და ვიცე-პრეზიდენტი) მოჰამედ ბინ რაშიდ ალ მაკტუმი დაეხმარა.
შემთხვევის შესახებ ისაუბრა თავად ტურისტმა ჰანა კარენ აროირომ, რომელმაც საკუთარ Twitter-ში დუბაის მმართველთან ფოტოები ატვირთა.
„მე და ჩემი მეგობრები დუბაის უდაბნოში ჩავრჩით და შეიხმა მოჰამედ ბინ რაშიდმა გადაგვარჩინა“, — დაწერა მან Twitter-ში.
შეიხმა ბუქსირით წაიყვანა უცხოელების ავტომობილი, რომელიც ქვიშაში იყო ჩაფლული.
— Hanna Karen Arroyo (@Hannarroyo) March 17, 2018
ერთ-ერთ ფოტოზე ჩანს, რომ მმართველის ავტომობილს Mercedes Benz G-class სანომრე ნიშნით Dubai No. 1 უმაგრდება ძლიერი კაბელი. მეორე ფოტოზე ტურისტები მათი გადარჩენის შემდეგ მომღიმარე მმართველთან ერთად პოზირებენ.