თბილისი, 18 ივლისი — Sputnik. თვითმხილველები აცხადებენ, რომ სროლის ხმა ორშაბათს, დილით ალმათის ცენტრში, შინაგან საქმეთა ალმათის რაიონულ განყოფილებასთან ისმოდა, იუწყება საინფორმაციო სააგენტო „ნოვოსტი-ყაზახეთი“.
„ფეისბუქის“ ერთ-ერთი მომხმარებლის მიერ გამოქვეყნებულ ვიდეოში ჩანს ადამიანი, რომელმაც, სავარაუდოდ, ავტომატიდან პოლიციის მიმართულებით გაისროლა.
„ალმათის რაიონულ განყოფილებაზე თავდასხმის ვიდეოკადრები: შავებში ჩაცმული მამაკაცი გამოვარდა, როგორც ჩანს, ავტომატით ისროლა პოლიციის მიმართულებით, ცდილობდა ავტომანქანის გაჩერებას, შემდეგ აღმოსავლეთის მიმართულებით გაიქცა“, — დაწერა თვითმხილველმა.
პოლიციის კომენტარი საინფორმაციო სააგენტოს ჯერჯერობით არა აქვს.
