მათი განცხადებით, რთული სამუშაოს შესრულება მიზერული ანაზღაურების სანაცვლოდ უწევთ. საკვებისა და ტრანსპორტის ხარჯს თავად იხდიან და ლარის გაუფასურების პირობებში ოჯახს ამ ხელფასით ვერ არჩენენ.
გაფიცული მუშები მოთხოვნების შესრულებამდე აქციების შეწყვეტას არ აპირებენ. ჩინური კომპანია „ჰუნანის“ გზებისა და ხიდების სამშენებლო ჯგუფის წარმომადგენლები საკითხის გადაწყვეტისთვის ერთ კვირას ითხოვენ.