ბაღი ამსტერდამსა და ჰააგას შორის მოქცეულ სანაპიროზე, ქალაქ ლისეშია გაშენებული 32 ჰექტარზე. პარკში 100 სახეობის 4,5 მილიონი ტიტა ხარობს და ყოველი წლის 20 მარტიდან 20 მაისის ჩათვლით მასპინძლობს სტუმრებს მთელი მსოფლიოდან.
აპრილის ბოლოს კეკენჰოფის ბაღში ყვავილების ფესტივალი იმართება ხოლმე, თუმცა უკვე მეორე წელია, ამ „მიწიერი სამოთხით“ ვერავინ ტკბება - ბაღი პანდემიის გამო ვერ იღებს ვიზიტორებს.
კეკენჰოფში პირველი გამოფენა მისი დაარსების პირველივე წელს, 1840-ში მოეწყო პირველი ქალაქ ლისეს მერის – ლამბოას ინიციატივით.
