მთავრობა ქვეშეთი–კობის მონაკვეთზე ახალი გზისა და გვირაბის მშენებლობას გეგმავს – ეს კობი–გუდაურის შემოვლითი გზა იქნება, სადაც ზამთარში ხშირად ზვავსაშიშროებაა.
პროექტით გათვალისწინებულია 22,7 კილომეტრის სიგრძის გზის, ექვსი ხიდისა და ხუთი გვირაბის მშენებლობა. მათ შორის იქნება ახალი 9 კილომეტრის სიგრძის გვირაბი ჯვრის უღელტეხილის ქვეშ. ეს იქნება ერთ-ერთი ყველაზე გრძელი გვირაბი და ერთ-ერთი ყველაზე რთული საინჟინრო ნაგებობა ევროპაში.
საქართველო–რუსეთის დამაკავშირებელი ახალი გზის მშენებლობა სატვირთოების მძღოლებს ზემო ლარსისკენ მიმავალ გზაზე რამდენიმედღიან რიგში დგომას აარიდებს თავიდან.
