ესპანეთის დედაქალაქში მაღაზიებთან რიგები დადგა, რაზეც საზოგადოებას სხვადასხვაგვარი რეაქცია ჰქონდა.
„ჩემი აზრით, აქ უამრავი ხალხია, ზოგიერთი შესაძლოა დაინფიცირდეს, იმიტომ რომ ზოგიერთი ადამიანი უპასუხისმგებლოა“, – თქვა გამვლელმა მოზარდმა.
„ბევრი ხალხია, ეს ცოტა საშიშია, თუმცა ჩვენ თავს ვიცავთ პირბადეებით და კარგად ვატარებთ დროს“, – განაცხადა ჯოზიასმა, კიდევ ერთმა გამვლელმა მოზარდმა.
მადრიდში უკვე შემსუბუქდა გადაადგილების შეზღუდვა, თუმცა საკომენდანტო საათი 00:00-დან 06:00 საათამდე კვლავ ძალაში რჩება.
ჯონს ჰოპკინსის უნივერსიტეტის მონაცემებით, კვირისთვის ესპანეთში კორონავირუსის დადასტურებულმა შემთხვევებმა 1.628.208 შეადგინა, გარდაიცვალა 44.668 ადამიანი.