ინფიცირების წყარო კაფე-ბარ „ჰავანაში“ გამოვლინდა, რომელსაც ყოველდღე ასობით ადამიანი სტუმრობს.
კორონავირუსი დაუდასტურდა დაწესებულების ერთ-ერთ თანამშრომელს, მოგვიანებით კი მის ოთხ ნაცნობსაც. კაფეს თანამშრომლების ნაწილი კარანტინში გადაიყვანეს, „ჰავანამ“ კი დეზინფექციის შემდეგ მუშაობა განაახლა.
ეპიდემიოლოგები მიიჩნევენ, რომ დროული რეაგირება მოახდინეს.
კორონავირუსის გამო სვანეთში საკურორტო სეზონი ჩავარდა – რეგიონი იზოლირებულია გარე სამყაროსგან, ადგილობრივები და სტუმრები კარანტინში იმყოფებიან, რაც კიდევ სამი კვირის განმავლობაში გაგრძელდება.
რეგიონში დაინფიცირების დაახლოებით 50 შემთხვევა დაფიქსირდა. ბევრმა ტურისტმა მოასწრო დაკეტვამდე სვანეთის დატოვება – ჯანდაცვის სამინისტრო მათ მოუწოდებს, იყვნენ ყურადღებით და რაიმე სიმპტომის გამოვლენის შემთხვევაში დაუყოვნებლივ მიმართონ შესაბამის სამსახურებს.
ინფექციის აფეთქების ჩახშობას ცდილობენ ყაზბეგშიც, სადაც COVID-19 საქართველო-რუსეთის საზღვრის საკონტროლო-გამშვები პუნქტის მესაზღვრეებს აღმოაჩნდათ.
