პომპეოს თქმით, სახელმწიფო დეპარტამენტმა „სანქციების მეშვეობით მოწინააღმდეგის შეკავების შესახებ“ კანონის (CAATSA) სახელმძღვანელოში ჩართო როგორც აღნიშნული პროექტი, ისე „თურქული ნაკადის“ მეორე ტოტი. ამის შესახებ მან ოთხშაბათს გამართულ ბრიფინგზე ისაუბრა ვაშინგტონში და ურჩია მშენებლობის მონაწილეებს, „დაუყოვნებლივ გავიდნენ“ იქიდან, ან „დაელოდონ შედეგებს“.
„ჩრდილოეთის ნაკადი-2“ გაზსადენის ახალი პროექტია რუსეთიდან გერმანიისკენ. აშშ ეწინააღმდეგება მას და აცხადებს, რომ პროექტი ევროპის ენერგეტიკულ უსაფრთხოებას ემუქრება. სინამდვილეში კი ამერიკელებს ევროპის ბაზრიდან რუსული გაზის გაძევება და მისი ამერიკული გათხევადებული ბუნებრივი აირით ჩანაცვლება სურთ. ევროპისთვის ეს არახელსაყრელია, ვინაიდან ის უფრო ძვირია. „ჩრდილოეთის ნაკადი-2“ ხელს შეუწყობს რეგიონში გაზის დეფიციტის აღმოფხვრას, გაზრდის მიწოდებების საიმედოობას და მილიარდობით დოლარს დაზოგავს.
