ორშაბათს საქართველოს ქალაქები განსაკუთრებული ხმაურით ივსება – სკოლის მოსწავლეთა შეძახილებითა და სკოლის ზარებით. იწყება ახალი სასწავლო წელი – ვიღაცისთვის პირველი, ვიღაცისთვის – ბოლო, მაგრამ ყველასთვის ერთნაირად ამაღელვებელი და მხიარული.
როგორია ქართული სკოლა? რა არის მისი ძლიერი მხარეები, უპირატესობები და რა მიმართულებით სჭირდება სასკოლო განათლების სისტემას საერთაშორისო გამოცდილების გაზიარება, რისი სწავლაა საჭირო სხვებისგან და როგორ შეიძლება მისი გაუმჯობესება?
როგორ ხედავენ მომავლის სკოლას საქართველოში? – ამ შეკითხვაზე ქვეყნის მოსახლეობა სხვადასხვაგვარად პასუხობს. ზოგი სკოლის მომავალს ხედავს სპორტთან და ჯანსაღი ცხოვრების წესთან მჭიდრო კავშირში, ზოგი – მშობლიური ენისა და ისტორიის სწავლების გაძლიერებაში, ზოგიც – პედაგოგების შემადგენლობის ახალგაზრდებით ჩანაცვლებაში.
