საქართველოს დედაქალაქში აღნიშნეს „ვარდატონ 2019“ – სომეხი პოეტისა და აშუღის საიათ-ნოვასადმი მიძღვნილი დღესასწაული. იხილეთ „Sputnik-საქართველოს“ ვიდეო, თუ როგორ მიმდინარეობდა ღონისძიება.
საზეიმო ღონისძიებები წელს დაიწყო თბილისის თოჯინების თეატრის დამფუძნებლის არმენ ოვანისიანის ხელმძღვანელობით თოჯინების წარმოდგენით „იყო და არა იყო რა, იყო საიათ-ნოვა...“ ღონისძიება ქალაქის ისტორიულ ცენტრში გაიმართა.
დღესასწაულზე წარდგნენ ცეკვის ანსამბლები, სიტყვით გამოვიდნენ საქართველოს და სომხეთის კულტურის მოღვაწეები. დღესასწაულში მონაწილეობისთვის ერევნიდან თბილისში ჩამოვიდა აშუღური სიმღერის მუსიკალური ანსამბლი „საიათ-ნოვა".
„ვარდატონი“ თბილისში პირველად 1914 წელს სომეხი მწერლის ოვანეს თუმანიანის, მხატვარ გევორქ ბაშინჯახიანისა და ქართველი პოეტის იოსებ გრიშაშვილის ინიციატივით გაიმართა.
მას შემდეგ დღესასწაული ტრადიციულად აღინიშნება თბილისში მაისის ბოლო კვირას. ამ დღეს სუბ-გევორქის ეკლესიის ეზოში დღესასწაულის მონაწილეებს მიაქვთ წითელი ვარდები საიათ-ნოვას საფლავზე და მის შემოქმედებას უსმენენ.
დღესასწაული „ვარდატონი“ ასევე ტრადიციული ხდება ერევანშიც. უკვე არაერთი წელია ეს დღე სომხეთის დედაქალაქში აშუღის მოსაგონრად აღინიშნება.
