ბათუმში ზღვის პროდუქტების ფესტივალი და თევზის კერძების დეგუსტაცია გაიმართა. იხილეთ „Sputnik-საქართველოს“ ვიდეო, თუ როგორ მიმდინარეობდა ფესტივალი.
ბათუმის ასობით მკვიდრმა და ქალაქის სტუმრებმა მონაწილეობა მიიღეს ზღვის პროდუქტების ფესტივალში, რომელიც ზღვის სანაპიროზე ჩატარდა. ფესტივალის ფარგლებში გაიმართა ადგილობრივი წარმოების თევზეულის გამოფენა-გაყიდვა, თევზის კერძების დეგუსტაცია და მათი მომზადების მასტერ-კლასები.
ფესტივალში მონაწილეობა მიიღეს ბათუმის აკვარიუმმა, ბათუმის თევზის ბაზარმა, საზღვაო კოლეჯებმა და უმაღლესმა სასწავლებლებმა, ზღვის პროდუქტების გადამამუშავებელმა და ქართული ღვინის მწარმოებელმა სხვადასხვა კომპანიებმა.
