ჟურნალისტმა მერაბ ხაჩიძემ საქართველოს მედიასივრცე შეადარა ბავშვს ასანთით ხელში, რომელმაც ნებისმიერ დროს შეიძლება გააჩინოს ხანძარი. იხილეთ „Sputnik-საქართველოს“ ვიდეო, თუ რაზე ისაუბრა ექსპერტმა.
განათლება მტკივნეული საკითხია ისეთ მნიშვნელოვან სფეროებში, როგორებიცაა ჟურნალისტიკა და პოლიტიკა, განაცხადა ჟურნალისტმა მერაბ ხაჩიძემ მრგვალი მაგიდის მსვლელობისას თემაზე "საინფორმაციო სივრცე საქართველოში – როგორ დავიცვათ თავი ნეგატივისგან", რომელიც „Sputnik-საქართველოს“ მულტიმედიურ პრეს-ცენტრში გაიმართა. მისი თქმით, სანამ ეს სფეროები სრულ იგნორირებას უწევენ განათლებას, მათ არ ექნებათ პერსპექტივა.
როგორ მოქმედებს მასმედია, ტელევიზია ხალხის ცნობიერებაზე, რა გავლენა აქვს ნეგატიურ ახალ ამბებს და რა უნდა გაკეთდეს იმისათვის, რომ თავი დავიცვათ მათგან – ეს და სხვა საკითხები განიხილეს ექსპერტებმა მრგვალი მაგიდის მსვლელობისას.
