საქართველოში სილამაზის კონკურსის "მის მკერდი 2017" გამარჯვებული დასახელდა – მთავარი ტიტულის მფლობელი გახდა 31 წლის სოფი ახალაძე. იხილეთ "Sputnik-საქართველოს" ვიდეო, თუ როგორ ჩატარდა კონკურსის ფინალი.
მიმდინარე წლის გაზაფხულზე თბილისში მეორედ გამართული კონკურსის "მის მკერდი 2017" გამარჯვებული გახდა 31 წლის სოფი ახალაძე. კონკურსში მონაწილეობდნენ საქართველოს და სხვა ქვეყნების მონაწილეები. ვიცე-მისის ტიტული ჟიურიმ მიანიჭა კიდევ ერთ ქართველ მონაწილეს თამთა ჯობავას.
საქართველოსთვის სილამაზის ასეთ უჩვეულო კონკურსში მონაწილეობის ერთ-ერთი აუცილებელი პირობა მინიმუმ სამი ზომა მკერდი იყო. მონაწილეთა ასაკი მერყეობდა 18-დან 37 წლამდე. მათი გარეგნობა და პროპორციები შეაფასა 13-კაციანმა ჟიურიმ, რომელიც შედგებოდა შოუ-ბიზნესის, პრესისა და მოდის სამყაროს ცნობილი წარმომადგენლებისგან.
კონკურსის ორგანიზატორი უკვე მეორედ იყო ჯგუფი Nino Adamashvili & Company. "მის მკერდი 2017"-ის გამარჯვებულებმა მიიღეს ერთკვირიანი საგზური საზღვარგარეთ, ხოლო დანარჩენმა მონაწილეებმა — საგზური ბათუმში. კონკურსის გამარჯვებულებმა სპონსორებისგან საჩუქრად მიიღეს ერთწლიანი ვაუჩერები ინგლისური ენის შესასწავლად და პიარის სამთვიან კურსებზე. მიმდინარე კონკურსი მიეძღვნა ანორექსიით დაავადებულ ქალებს და მიმართული იყო ქალების საზოგადოებაში თანასწორობისკენ.
