კლდეზე დაკიდებული კოტეჯი აჭარაში, რომელმაც ინტერნეტ-სივრცე აღაფრთოვანა

© photo: Visit Batumi / FBსოფელი მერისი
სოფელი მერისი - Sputnik საქართველო
გამოწერა
საქართველოს ერთ-ერთი ულამაზესი კუთხე – აჭარა არაჩვეულებრივი, თვალწარმტაცი, მდიდარი ბუნებით გამოირჩევა. აქ მთისა და ზღვის პეიზაჟები, ბუნებრივი ნაკრძალების და ულამაზესი პარკების სიმდიდრე, საუცხოო სამზარეულო და თვითმყოფადი ტრადიციები ერთმანეთს ავსებს.

დაუსრულებელად შეგვიძლია ვისაუბროთ აჭარის რეგონზე, სოფლებსა თუ ქალაქებზე, ღირსშესანიშნაობებზე, თუმცა ამჯერად სოფელ მერისზე მოგიყვებით, რომელიც ბათუმიდან 50 კილომეტრის დაშორებითაა და მასზე ბევრს არ სმენია.

მერისის ხეობა ქედის მუნიციპალიტეტს ეკუთვნის და ზღვის დონიდან დაახლოებით 700 მეტრზე მდებარეობს. ცოტას თუ სმენია ამ საოცარი ადგილის შესახებ. მწვანეში ჩაფლულ ამ პატარა ხეობაში ნახავთ მერისის წყალუხვ ჩანჩქერს, რომელიც ღრმად შეჭრილ მთებშია ჩამალული, ზენდიდის უძველესი ციხე-სიმაგრის ნანგრევებს, რომლის კედლებშიც ახლა სოფლის მკვიდრნი ცხოვრობენ. აქვეა გუნდაურის სამკურნალო-მინერალური წყლებიც.

© photo: Soso Nebieridze‎ / FBმერისის ჩანჩქერი
კლდეზე დაკიდებული კოტეჯი აჭარაში, რომელმაც ინტერნეტ-სივრცე აღაფრთოვანა - Sputnik საქართველო
მერისის ჩანჩქერი

სოფელი მერისი განსაკუთრებული სტუმართმოყვარეობით და უგემრიელესი, ტრადიციული კერძების სიმრავლით გამოირჩევა. აჭარაში გემრიელი ბორანო და სინორი არავის უკვირს, მაგრამ მერისში ბევრ სხვა ტრადიციულ, აჭარულ კერძსაც ამზადებენ. მაგალითად, ყათმერს, ფხალ-ლობიოს, ქალაჯოს და ქათამს ნიგვზით. ყათმერი არის ტკბილეული და ცომში ნიგვზითა და შაქრის გულით ცხვება. ქალაჯოს მოსამზადებლად კი ადუღებულ იაღს, ნადუღს და ნიორს დაფშვნილ მჭადს უმატებენ.

© photo: AEC Keda / FBზენდიდის უძველესი ციხე-სიმაგრის ნანგრევები.
კლდეზე დაკიდებული კოტეჯი აჭარაში, რომელმაც ინტერნეტ-სივრცე აღაფრთოვანა - Sputnik საქართველო
ზენდიდის უძველესი ციხე-სიმაგრის ნანგრევები.

მერისის ხეობა უცხოელი ეთნოლოგების, ფოლკლორისტების საყვარელი ადგილია. სოფელი მერისი აჭარის სხვა სოფლებისგან გამოირჩევა იმით, რომ ქართული სიმღერები აქ, შეიძლება ითქვას, ყოფაში დღემდე ცოცხლობს და განაგრძობს არსებობას. აქ გვხვდება ჟანრობრივი მრავალფეროვნება. სწორედ ამიტომ მერისის ხეობა გამორჩეული ცეკვისა და სიმღერის ტრადიციითაა ცნობილი აჭარაში. აქ  მოისმენთ სიმღერებს: „მერისული მაყრული“, „თირინი“, „ცაგუნა“, „ჩაღმა ჩაყრილო ვენახო“, „ხინწკალა“, „ჩათხრობილი“ და სხვ.

აქაურობის მოსანახულებლად ერთი დღე ძალიან მცირე დროდ მოგეჩვენებათ. მერისის ხეობაში რამდენიმე საოჯახო სასტუმროა, სადაც შვებულების სასიამოვნო დღეების გატარებას შეძლებთ.

© photo: Lilium Blog / FBსოფელი მერისი
კლდეზე დაკიდებული კოტეჯი აჭარაში, რომელმაც ინტერნეტ-სივრცე აღაფრთოვანა - Sputnik საქართველო
სოფელი მერისი

თუმცა ბოლო დღეებია განსაკუთრებული ყურადღება მიიპყრო „ეკო სასტუმრო მერისმა“, საიდანაც ბუნების ულამაზესი, ეგზოტიკური ხედი იშლება. სასტუმრო სულ ახლახან გაიხსნა და უკვე დიდი პოპულარობით სარგებლობს სოციალურ ქსელში.

© photo: Lilium Blog / FBკოტეჯი მერისი
კლდეზე დაკიდებული კოტეჯი აჭარაში, რომელმაც ინტერნეტ-სივრცე აღაფრთოვანა - Sputnik საქართველო
კოტეჯი მერისი

ბათუმელებმა ვიქტორ ლიმანეცმა და ლარისა გავრილიუკმა და მერისელმა ლაშა ჯიჯავაძემ კლდის პირზე ულამაზესი კოტეჯი „დაკიდეს”. ბათუმიდან ამ კოტეჯამდე მისასვლელად საათ-ნახევარია საჭირო.

„აქ ბევრი ტურისტი არ დადის, არადა ულამაზესი ბუნებაა, ჩანჩქერებით, კანიონით, ტბებით, მინერალური წყლით. საოცარი ადგილია. ჩვენ შეგვიყვარდა ეს ადგილი და სწორედ ამიტომ ავირჩიეთ სასტუმროსთვის“, – ამბობს ლარისა გავრილიუკი.

© photo: Lilium Blog / FBკოტეჯი მერისი
კლდეზე დაკიდებული კოტეჯი აჭარაში, რომელმაც ინტერნეტ-სივრცე აღაფრთოვანა - Sputnik საქართველო
კოტეჯი მერისი

ადგილობრივები სკეპტიკურად უყურებდნენ კოტეჯის აშენების იდეას, თუმცა შედეგმა მოლოდინს ბევრად გადააჭარბა.  სასტუმროში განსაკუთრებულ ყურადღებას იპყრობს კლდეზე გადაკიდებული მინის საძინებელი, ჯაკუზი და ჰამაკი.

კოტეჯში ჯერჯერობით ოთხი ადამიანის განთავსებაა შესაძლებელი. მომავალში პარტნიორები გეგმავენ რამდენიმე კოტეჯის აშენებას.

© photo: Eco House Merisi / FBკოტეჯი მერისი
კლდეზე დაკიდებული კოტეჯი აჭარაში, რომელმაც ინტერნეტ-სივრცე აღაფრთოვანა - Sputnik საქართველო
კოტეჯი მერისი

სასტუმროში ერთი ღამის ღირებულება 1-2 ადამიანისთვის – 250 ლარი, ხოლო 3-4 ადამიანისთვის – 300 ლარი ღირს. ადგილზე ფუნქციონირებს საოჯახო სამზარეულო და მარანი, სადაც სტუმრებს შეუძლიათ აჭარული სამზარეულოს დაგემოვნება და მასპინძელი ოჯახის მიერ დაყენებული ჩხავერის, ცოლიკაურის და ჭაჭის გასინჯვა.

თუ მერისის მონახულებას გადაწყვეტთ, გაითვალისწინეთ, სოფელში არის ულამაზესი საპიკნიკე ადგილი, სადაც იბანავებთ, ითევზავებთ, ადგილობრივ აგროპროდუქტებს დააგემოვნებთ და სუფთა ჰაერზე ისეირნებთ ტყეში.

 

ყველა ახალი ამბავი
0