Air Malta თბილისში ფრენებს იწყებს

© photo: Sputnikტურისტები თბილისის აეროპორტში
ტურისტები თბილისის აეროპორტში - Sputnik საქართველო
გამოწერა
თვითმფრინავი ხმელთაშუა ზღვის კუნძულიდან თბილისში ყოველ ხუთშაბათს ჩამოფრინდება.

თბილისი, 19 ივნისი — Sputnik. Air Malta-მ თბილისის მიმართულებით პირდაპირი რეისების განხორციელების უფლება მიიღო, ნათქვამია სამოქალაქო ავიაციის სააგენტოს განცხადებაში.

ავიაკომპანიამ რეგულარული რეისების შესრულების უფლება თბილისის მიმართულებით სამოქალაქო ავიაციის სააგენტოსგან 14 ივნისს მიიღო.

ბათუმის აეროპორტი - Sputnik საქართველო
ბათუმსა და ტალინს პირდაპირი ავიარეისები დააკავშირებს

კომპანია Air Malta საქართველოს საავიაციო ბაზარზე მუშაობას 4 ივლისიდან დაიწყებს.

რეგულარული რეისები მალტის კუნძულიდან თბილისის მიმართულებით 18 სექტემბრამდე კვირაში ერთხელ, ყოველ ხუთშაბათს შესრულდება.

ფრენები განხორციელდება Airbus A320 ტიპის თვითმფრინავით.

Air Malta არის ავიაკომპანია, რომელიც მალტის საერთაშორისო აეროპორტშია ბაზირებული. ის მგზავრებს დაახლოებით 40 მიმართულებას სთავაზობს. წელს კომპანია 45 წლის იუბილეს აღნიშნავს.

ყველა ახალი ამბავი
0