04:00 18 ნოემბერი 2019
პირდაპირი ეთერი
  • EUR3.2779
  • 100 RUB4.6531
  • USD2.9723
პოლიცია

„ადამიანობის რწმენა დაგვიბრუნეს" – რით გააკვირვა საქართველოს პოლიციამ ამერიკელი გოგონა

© Sputnik / Alex Shlamov
ტურიზმი
მოკლე ბმულის მიღება
47930

პოლიციამ ტურისტებისთვის მოპარული ველოსიპედები საქართველო–სომხეთის საზღვართან, ერთ-ერთ სოფელში იპოვა.

თბილისი, 25 იანვარი — Sputnik. ამერიკელმა ტურისტმა ნიკოლმა სოციალური ქსელის მეშვეობით ქართულ პოლიციას გაწეული სამსახურისთვის მადლობა გადაუხადა.

ნიკოლი საქართველოში ბრიტანელ მეგობარ ჯერემთან ერთად ჩამოვიდა ველოტურის ფარგლებში (ტაილანდი-ესპანეთი-ინგლისი). მოგზაურებს თბილისში 19 იანვარს ველოსიპედები მოჰპარეს. ამის შესახებ ნიკოლმა Facebook-ში Unlearning By Bike-ის გვერდზე დაწერა. ხუთი დღის შემდეგ კი სახლში, სადაც ტურისტები იყვნენ გაჩერებული, პოლიცია მივიდა და შეატყობინა, რომ მათი ველოსიპედები ერთ-ერთ სოფელში, თბილისიდან 100 კილომეტრში, საქართველო–სომხეთის საზღვართან აღმოაჩინეს.

„მათ (პოლიციელებმა) დგვიბრუნეს ჩვენი ველოსიპედები და ადამიანობის რწმენა... საქართველო, მიყვარხარ. ეს სხვაგან რომ მომხდარიყო, არ მგონია, რომ ასეთი შედეგით დამთავრებულიყო", – წერს ნიკოლი სოციალურ ქსელში.

ნიკოლმა და ჯერემმა ზამთრის პერიოდში საქართველოში დარჩენა და გზის მოგვიანებით გაგრძელება გადაწყვიტეს. ნიკოლი ესპანეთში, ჯერემი კი ინგლისში გაემგზავრება.

 

მთავარი თემები