06:44 24 ივლისი 2021
პირდაპირი ეთერი
  • EUR3.6481
  • 100 RUB4.2138
  • USD3.1000
სასარგებლო რჩევები
მოკლე ბმულის მიღება
ექიმი გირჩევთ (160)
6810

ცნობილმა ექიმმა განმარტა, რატომ უნდა შეაჩეროთ არჩევანი მთლიან ხილზე და არა თუნდაც ახლად გამოწურულ წვენზე.

თბილისი, 12 ივლისი — Sputnik. ახლად გამოწურულ წვენს ორგანიზმისთვის სარგებლობა არ მოაქვს, განაცხადა ცნობილმა ექიმმა და ტელეწამყვანმა ალექსანდრ მიასნიკოვმა და განმარტა, რატომაა, მაგალითად, თავად ვაშლი უფრო სასარგებლო, ვიდრე მისი წვენი.

მისი თქმით, როდესაც ადამიანი ვაშლს ჭამს, მისი რბილობი ფერმენტებიანი ნერწყვით იჟღინთება, შემდეგ კი ნაწლავის წვენით მუშავდება. ამგვარად მნიშვნელოვანი მიკროელემენტები თანდათან ისრუტება და სწორი „საკვები გუნდა“ ყალიბდება. წვენის შემთხვევაში კი მსგავსი არ ხდება.

„უჯრედისი — ეს დოზატორია, რომელიც ორგანიზმს სასარგებლო პროდუქტებს აწვდის (როგორც ინექცია საჭირო ადგილზე). ხოლო როდესაც ვაშლს ვწურავთ, ვიღებთ წვენს ჩენჩოს გარეშე. ეს კი „საკვები გუნდა“ არ არის. ყველაფერი პირდაპირ კუჭში ხვდება, მჟავიანობას ცვლის და მომენტალურად იწოვება. ასეთ დროს განსაკუთრებულ სარგებელს ვერ ვიღებთ, იმიტომ რომ არ არსებობს მთავარი — დოზატორი“, — განმარტა მიასნიკოვმა.

კიდევ ერთ მაგალითად ექიმმა კომბოსტოს წვენი დაასახელა, რომელსაც ბევრი სვამს, მერე კი კუჭის ტკივილები, საჭმლის მონელებისა და სხვა პრობლემები აწუხებთ.

მისი თქმით, მთლიან ხილსა და თუნდაც ახლად გამოწურულ წვენს შორის არჩევანი ჯობს მთლიან ხილზე შეაჩეროთ. 

თემები:
ექიმი გირჩევთ (160)

მთავარი თემები