შეუძლია კიბოს გამოწვევა: ონკოლოგი სილამაზის პროცედურების მავნებლობაზე საუბრობს

© photo: Sputnik / Vladimir Vyatkin / გადასვლა მედიაბანკშისილამაზის სალონში
სილამაზის სალონში - Sputnik საქართველო
გამოწერა
გარკვეულ შემთხვევებში არასწორი ბიუთი-პროცედურები ონკოლოგიურ დაავადებებს იწვევს, აცხადებს ონკოლოგი და კონკრეტულ პროცედურებს ასახელებს.

თბილისი, 28 დეკემბერი — Sputnik. სილამაზის პროცედურებმა მათი უცოდინრობის ან ბოროტად გამოყენების შემთხვევაში შეიძლება ონკოლოგიური დაავადებები გამოიწვიოს, აცხადებს ონკოლოგი და ქიმიოთერაპევტი ანდრეი ბაზილევი.

თმის ღებვა სილამაზის სალონში  - Sputnik საქართველო
თმის მდგრადი საღებავები ძუძუს კიბოს რისკს ზრდის: მეცნიერული კვლევა

ექსპერტის აზრით, თმის გასწორება შეიძლება ჯანმრთელობისთვის ყველაზე საშიშ ქმედებებს შორის ჩაითვალოს, რადგან ამ პროცედურისთვის საჭირო პრეპარატები ფორმალდეჰიდს შეიცავს.

ამასთან, ექიმმა აღნიშნა, რომ რისკი ჩნდება კანცეროგენის თვეში რვაზე მეტჯერ გამოყენების შემთხვევაში. გამომდინარე აქედან, ეს პროცედურა უფრო საშიშია იმ სტილისტებისთვის, ვინც მას ასრულებს, ვიდრე სალონის კლიენტებისთვის.

ანდრეი ბაზილევმა დიოქსანის შემცველი კოსმეტიკური პრეპარატების გამოყენების საფრთხეების შესახებაც ისაუბრა, ვინაიდან ამ ნივთიერებამ შეიძლება ორგანიზმში სხვადასხვა ენდოკრინული დარღვევების პროვოცირება მოახდინოს, რასაც შეიძლება ონკოლოგიური დაავადებების განვითარება მოჰყვეს.

ფრჩხილებზე ლაქის გასაშრობად ულტრაიისფერი ნათურის მოხმარებაზე ექსპერტი ამბობს, რომ ეს მეთოდი ჯანმრთელობისთვის საზიანო მხოლოდ ძალიან ხშირი გამოყენების დროს არის. ონკოლოგიის რისკი იმ შემთხვევაში წარმოიქმნება, თუ მანიკურს თვეში 10-15-ჯერ გაიკეთებთ ამგვარი ნათურით.

რაც შეეხება თმის შეღებვას, ექიმის აზრით, ეს ონკოლოგიის კუთხით ჯანმრთელობისთვის უსაფრთხო პროცედურაა.  

„ადრე [თმის საღებავები] კანცეროგენებს შეიცავდა. მაგრამ 70-იანი წლებიდან შემადგენლობიდან სახიფათო ნივთიერებები ამოიღეს და ამ დროისთვის თმის შეღებვას აღარანაირი საფრთხე არ ახლავს“, — ამბობს ონკოლოგი.

ამასთან უნდა აღინიშნოს, რომ მანამდე ამერიკელმა მეცნიერებმა დაადგინეს, რომ თმის პერმანენტული (ყველაზე მდგრადი) საღებავის რეგულარული გამოყენება და ქიმიური გასწორება ზრდის ძუძუს კიბოს განვითარების რისკს. საუბარია კონკრეტულად „მუდმივ“, ანუ მდგრად საღებავებზე, რომელთა შემადგენლობაში შედის ენდოკრინული სისტემის დამანგრეველი ნივთიერებები და კანცეროგენები. „დროებით“ (ანუ, რომელიც მალე ირეცხება) საღებავებზე არანაირი რისკები არ გამოვლენილა. 

ყველა ახალი ამბავი
0