ჩაის გურმანებისთვის: როგორ შევარჩიოთ და დავაყენოთ საუკეთესო ჩაი

CC0 / Pixabay / ჩაი და გვირილები
ჩაი და გვირილები - Sputnik საქართველო
გამოწერა
ბევრი ჩვენგანისთვის ჩაის გარეშე ცხოვრება წარმოუდგენელია. უამრავი ადამიანისთვის კი დილა სწორედ ფინჯანი ჩაით იწყება.

ჩაი, როგორც მასტიმულირებელი, ისე მოქმედებს ადამიანის ნერვულ სისტემაზე -  ამცირებს დაღლილობის შეგრძნებას, აძლიერებს გონებრივ აქტივობას, პროდუქტიულობასა და გულ-სისხლძარღვთა სისტემის გამძლეობას. მას „გამოსაფხიზლებლად“ და „ენერგიის მოსამატებლად“ ვსვამთ.  ყოველივე ამის მიზეზია ჩაიში  შემავალი ალკალოიდი კოფეინი. სწორედ კოფეინი გვეხმარება გამოვფხიზლდეთ და ვიყოთ  უფრო პროდუქტიული, თუმცა მისი მოქმედების გასვლის შემდეგ ადამიანს დაღლილობა ეუფლება.

© FB / Vazi Tradicionalჩურჩხელა და ჩირი ჩაისთან ერთად
ჩაის გურმანებისთვის: როგორ შევარჩიოთ და დავაყენოთ საუკეთესო ჩაი - Sputnik საქართველო
ჩურჩხელა და ჩირი ჩაისთან ერთად

დაიმახსოვრეთ, უშაქრო ჩაის არ გააჩნია ენერგეტიკული ღირებულება (კალორიები).

ბევრს აინტერესებს, რომელი უკეთესად აფხიზლებს - ჩაი თუ ყავა? კოფეინის შემცველობა ყავის ნაყოფსა და ჩაის ფოთოლში დაახლოებით ერთნაირია - ზოგ ჩაის ფოთოლში კოფეინი მეტიც კია, ვიდრე ყავაში. თუმცა  კოფეინის შემცველობა სასმელში მისი მომზადების მეთოდზეა დამოკიდებული. კერძოდ, ჩაის მომზადების მეთოდები უფრო „რბილია“, ყავა კი მომზადებამდე საკმაოდ ძლიერ ზემოქმედებას განიცდის - მოხალვა, მაღალი ტემპერატურისა და ზოგჯერ მაღალი წნევის წყლის ზემოქმედება. შედეგად ყავის ჭიქაში კოფეინის შემცველობა საშუალოდ 2-ჯერ მაღალია, ვიდრე ფინჯან ჩაის ჭიქაში.

გაითვალისწინეთ, ჩაიში შემავალი კოფეინის მოქმედება  უფრო ნელი და ხანგრძლივია, ვიდრე ყავაში შემავალი კოფეინისა. ამიტომ თუ ყავა სწრაფად და შედარებით მოკლე პერიოდით გაფხიზლებთ,  ჩაი  უფრო რბილ,  უფრო ხანგრძლივ და სტაბილურ ეფექტს იძლევა.

გაითვალისწინეთ, არასასურველია ჩაის და ზოგადად კოფეინის შემცველი სასმელების მიღება ალკოჰოლთან ერთად, ან დიდი ფიზიკური დატვირთვის შემდეგ.

როგორ შევარჩიოთ ჩაი

ბაზარზე ხშირად შეგვხვედრია შავი ჩაი, ყვითელი ჩაი, მწვანე ჩაი და სხვა. დაიმახსოვრეთ,  ჩაის ფერი ფოთლის დამუშავების ტექნოლოგიაზე  არის დამოკიდებული. რაც უფრო ღია ფერისაა  ჩაი, მით უფრო ნაკლებად არის იგი დამუშავებული და მეტ სასარგებლო (ბიოლოგიურად აქტიურ) ნივთიერებას შეიცავს. სამაგიეროდ მეტად დამუშავებული (უფრო მუქი) ჩაი უფრო არომატული და გემრიელია.

კოფეინის შემცველობის მიხედვით, შავი და მწვანე ჩაი არ განსხვავდება, ამიტომ გამომაფხიზლებელი ეფექტი ორივეს ერთნაირი აქვს.

ალბათ გასაკვირი არავისთვის არის, რომ ყველაზე იოლი მოსახმარი ერთჯერადი პაკეტების ჩაია. თუმცა, ფრთხილად იყავით!  რადგან  მომხმარებელი ვერ ხედავს, თუ რა არის მოთავსებული პაკეტში, სამწუხაროდ, ხშირად ხდება ასეთი  ჩაის ფალსიფიკაცია. ამ დროს იყენებენ ძალიან დაბალი ხარისხის ჩაის, თითქმის მტვერს, რომელსაც გემოს, არომატისა და ფერის მისანიჭებლად სხვადასხვა საკვებ-დანამატებს უმატებენ.

როგორ გავიგოთ პაკეტის ჩაი ფალსიფიცირებულია, თუ არა

დაასხით ჩაის პაკეტს ცივი წყალი - ჩაის ნატურალური მღებავი ნივთიერებები ძნელად იხსნებიან ცივ წყალში, ხოლო დამატებული საღებავები კი უცებ
თუ ჩაის ჭიქაში ჩაგდებულმა ლიმონის ნაჭერმა ნაყენის ფერი არ შეცვალა, თქვენ ფალსიფიცირებულ ჩაის მიირთმევთ


როგორ შევარჩიოთ შავი ჩაი:

კარგი ხარისხის ჩაის არჩევა თუ გინდათ, გირჩევთ ბაიხის (ანუ ფანტია, loose tea) ფოთლოვანი ჩაი შეიძინოთ, რადგან რთულია მისი ფალსიფიცირება.

ჩაის ფოთლები მუქი და მბზინვარე უნდა იყოს;

ნუ შეიძენთ ჩაის, რომელიც მხოლოდ მუყაოს კოლოფშია შეფუთული. ასეთ შეფუთვაში ჩაი ძალიან მალე კარგავს არომატს. კარგი ჩაი ფოლგაში ან ცელოფანში მაინც უნდა იყოს შეფუთული.

ახლა კი გირჩევთ, როგორ დააყენოთ ჩაი ნამდვილი გურმანებისთვის

ყველამ ვიცით, რომ ჩაი ფერს მდუღარე წყლის რამდენჯერმე დასხმისასაც იძლევა, მაგრამ დაიმახსოვრეთ: სასარგებლო და გამომაფხიზლებელი მოქმედება მხოლოდ ახალდაყენებულ ჩაის აქვს!  წინა დღეს დაყენებული ჩაი ჯამრთელობას ნამდვილად არ დააზიანებს, მაგრამ გემო და არომატი ამ ნაყენს უფრო ნაკლები ექნება, რადგან ეთერზეთები ორთქლდება. ნაყენი აგრეთვე კარგავს თავის სასარგებლო თვისებებსაც - მასში შემავალი ვიტამინები იშლება,  

კარგი ჩაის დასაყენებლად 1 ფინჯანი ჩაისთვის 1 ჩაის კოვზი ჩაი უნდა გამოიყენოთ.  არ იხმაროთ რკინის ჩაიდანი ან თერმოსი, ფერის დასაყენებელი ჩაიდანი ფაიფურის ან შუშის უნდა იყოს და ის ჯობია, წინასწარ გაათბოთ. შავი ჩაის ფერის დასაყენებლად გამოიყენეთ მდუღარე (90-95 გრადუსი) წყალი, მწვანე ჩაისთვის კი ნაკლები ტემპერატურის (65-80 გრადუსი). ჩაიდანს დაახურეთ ნაჭერი და დააყენეთ. კარგი შავი ჩაის დაყენებას 5 წუთი უნდა, მწვანე ჩაისას - დაახლოებით 3 წუთი.

გაითვალისწინეთ, მართალია წინა დღის დაყენებული ჩაი კარგავს გემოს და არომატს,  ამ დროს ნაყენში მატულობს კოფეინის რაოდენობა და დიდი ხნის წინ დაყენებული ჩაი უფრო მეტად აფხიზლებს. 

 

ყველა ახალი ამბავი
0