პლანეტის რეტროგრადულობა ხშირად ნეგატიურ ცვლილებებს იწვევს ცხოვრების ყველა სფეროში, მაგრამ ეს ყოველთვის ასე არ ხდება – ამის მტკიცებულებაა ნეპტუნის უკუსვლის დაწყება 21 ივნისს.
ნეპტუნის ენერგეტიკა საკმაოდ პოზიტიურია, თუმცა – არაპროგნოზირებადი. ნეპტუნი – უზარმაზარი და მძიმე, ლურჯი, იდუმალებით მოცული პლანეტაა, ოკეანის სილურჯეს წააგავს, სწორედ ამიტომ ეწოდა მას წყლის ღმერთის სახელი. არის ცივი და უსიცოცხლო, თუმცა, მის ზედაპირზე ქარიშხლები მძინვარებს, რომელთა სიჩქარე საათში 2000 კილომეტრს ჭარბობს.
ნეპტუნს ხშირად „ჯადოქრების“ პლანეტას უწოდებენ, რადგან მას ადამიანების გონებაში მძლავრი ილუზიების შექმნა შეუძლია. ის ცვლის დროისა და სივრცის შეგრძნებებს, მოქმედებს არა სტიქიურად, არამედ ნელა – ის ხომ ძალზე მოშორებით არის დედამიწისგან.
წაიკითხეთ აქ: „რევოლუცია“ პირად ცხოვრებაში - რა შანსს აძლევს ურანი ზოდიაქოს ნიშნებს
ყველაზე ძლიერ პოზიტიურ გავლენას პლანეტა ახდენს მშვილდოსნის, მერწყულისა და თევზების ნიშნებზე. ცუდად მოქმედებს ტყუპის, ლომისა და ქალწულის თანავარსკვლავედის წარმომადგენლებზე. როცა ნეპტუნი შესუსტებულია ან ნეტრალური, მაშინ ეს ნიშნები უკეთესად გრძნობენ თავს.
