ირაკლი აბუსერიძე საქართველოს რაგბის კავშირის ახალი პრეზიდენტი გახდა

© photo: Irakli Abuseridze / FBირაკლი აბუსერიძე
ირაკლი აბუსერიძე - Sputnik საქართველო
გამოწერა
არჩევნებში მონაწილეობა მიიღეს საქართველოს 20 კლუბის წარმომადგენლებმა, რომელთაც საერთო ჯამში 43 ხმა აქვთ, აბუსერიძეს მხარი 31-მა დელეგატმა დაუჭირა

თბილისი, 30 დეკემბერი - Sputnik. ირაკლი აბუსერიძე საქართველოს რაგბის კავშირის ახალ პრეზიდენტად აირჩიეს, ნათქვამია ორგანიზაციის ვებ-გვერდზე განთავსებულ განცხადებაში.

არჩევნებში მონაწილეობა მიიღეს საქართველოს 20 კლუბის წარმომადგენლებმა, რომელთაც საერთო ჯამში 43 ხმა აქვთ. აბუსერიძეს მხარი 31-მა დელეგატმა დაუჭირა, ხოლო ყოფილ პრეზიდენტ გოჩა სვანიძეს – 10-მა. კლუბ „გორდას“ წარმომადგენლები ესწრებოდნენ არჩევნებს, მაგრამ კენჭისყრაში მონაწილეობაზე უარი განაცხადეს.

„ყველას დიდი მადლობა გვერდში დგომისთვის. ჩვენ უნდა აღვადგინოთ ის ბზარი, რომელიც ბოლო დროს რაგბში გაჩნდა და მზად ვართ თანამშრომლობისთვის ყველასთან, რადგან თქვენი გვერდში დგომის გარეშე ქართული რაგბი წინ ვერ წავა“, – განაცხადა კენჭისყრის დასრულების შემდეგ აბუსერიძემ.

აბუსერიძე საქართველოს ნაკრების ყოფილი კაპიტანია, რომელიც გუნდში 2000-დან 2013 წლამდე თამაშობდა. ნაკრების შემადგენლობაში აბუსერიძემ 85 მატჩი ითამაშა, რომლებშიც ჯამში 45 ქულა დააგროვა. პროფესიული კარიერის დიდი ნაწილი აბუსერიძემ საფრანგეთის ჩემპიონატში გაატარა.

ყველა ახალი ამბავი
0