08:26 24 ნოემბერი 2020
პირდაპირი ეთერი
  • EUR3.9215
  • 100 RUB4.3481
  • USD3.3073
სპორტი
მოკლე ბმულის მიღება
ოლიმპიადა 1980 (15)
57 0 0

პროექტ „მოსკოვი-80: რეტრო-Tube“-ს ფარგლებში „Sputnik–საქართველო“ მოგითხრობთ, რა წვლილი შეიტანეს ქართველებმა მაშინ საერთო გამარჯვებაში.

1980 წლის მოსკოვის ზაფხულის ოლიმპიადა პირველი ოლიმპიური თამაშები იყო აღმოსავლეთ ევროპის ტერიტორიაზე.

საერთო ჯამში საბჭოთა სპორტსმენებმა 195 მედალი მოიპოვეს. აქედან 80 — ოქროს, 69 – ვერცხლისა და 46 ბრინჯაოსი. შედარებისთვის: საერთო გუნდურ ჩათვლაში მეორე ადგილზე გასული გერმანიის დემოკრატიული რესპუბლიკის სპორტსმენთა ანგარიშზე სულ 126 ჯილდო მოდიოდა (47–37–42 — შესაბამისად), ხოლო ბულგარეთისა, რომელიც მაშინ მესამე პოზიციაზე გავიდა — მხოლოდ 41 (8–16-17 – შესაბამისად).

საბჭოთა კავშირის 514 სპორტსმენს შორის 16 საქართველოდან იყო. მათ სულ 12 მედალი დაიმსახურეს — სამი ოქრო, ოთხი ვერცხლი და ხუთი ბრინჯაო.

Кетеван Лосаберидзе
© photo: Sputnik / Sergey Subbotin
ქეთევან ლოსაბერიძე

„ოქროს“ კვარცხლბეკზე ავიდნენ ქეთევან ლოსაბერიძე (მშვილდოსნობა), შოთა ხაბარელი (ძიუდო) და ვახტანგ ბლაგიძე (ბერძნულ-რომაული ჭიდაობა).

ვერცხლის პრიზიორები გახდნენ: თენგიზ ხუბულური (ძიუდო), ვიქტორ სანეევი (მძლეოსნობა, სამმაგი ხტომა), ვიქტორ ანპილოგოვი (ხელბურთი) და საიდა გუმბა (მძლეოსნობა, შუბის ტყორცნა).

Серебряный призёр Олимпиады, советский дзюдоист Тенгиз Хубулури во время соревнований на XXII Олимпийских играх в Москве.
© photo: Sputnik / Vladimir Rodionov
თენგიზ ხუბულური ოლიმპიადაზე

ბრინჯაოს მედლები მოიპოვეს: ლიანა ცოტაძემ (წყალში ხტომა), ნიკოლოზ დერიუგინმა (კალაბურთი), ალექსანდრე ჩივაძემ, თენგიზ სულაქველიძემ და რევაზ ჩელებაძემ (ფეხბურთი).

ოლიმპიადის დანარჩენი ოთხი მონაწილე საქართველოდან მედლების გარეშე დარჩა. ესენი იყვნენ: თენგიზ იმნაიშვილი (სასტენდო სროლა, მე-9 ადგილი), დავით კვაჭაძე (კრივი), თამაზ ნამგალაური (ძიუდო) და ირინა გერასიმოვა (ცურვა).

Схватка между Шота Хабарели и Хуаном Феррерм Ла Эра
© photo: Sputnik / Vladimir Fedorenko
შოთა ხაბარელისა და ხუან ფერერა ლა-ერას ბრძოლა

ოქროს პრიზიორმა ქეთევან ლოსაბერიძემ იმ ოლიმპიადაზე ფაქტობრივად შეუძლებელი შეძლო. სპორტიდან ექვსი წლის წასული სპორტსმენის (სსრკ-ის ნაკრები 1973 წელს დატოვა ოჯახური გარემოებების გამო) დაბრუნება მართლაც საოცარი გამოდგა: ჯერ იყო და ევროპის ჩემპიონობა მოიპოვა 1978 და 1980 წლებში, მსოფლიო ჩემპიონიც გახდა 1981 წელს გუნდურ პირველობაში, ხოლო 1980 წელს ოლიმპიური თამაშების ოქროს მედალი დაისაკუთრა.

Олимпийский чемпион по классической борьбе (легчайший вес) Вахтанг Благидзе (СССР) одержал победу над спортсменом из Венгрии Лайошем Рацем
© photo: Sputnik / Vladimir Rodionov
ვახტანგ ბლაგიძე

შოთა ხაბარელი მოსკოვის ოლიმპიადაში მონაწილეობისას 21 წლის იყო. ბევრი საბჭოთა ძიუდოისტი მის სტილს „ანტიძიუდოდ“ აფასებდა, ვინაიდან სპოტსმენი თავის ტექნიკაში ქართული ჭიდაობის ელემენტებს იყენებდა. თუმცა სწორედ ასეთი სტილით დაამარცხა ხაბარელმა ოლიმპიადის ფინალურ შეხვედრაში კუბელი ხუან ფერარი, რომლისთვისაც ძიუდო–ჭიდაობა დაუძლეველ ამოცანად იქცა.

ვახტანგ ბლაგიძე მოსკოვის ოლიმპიადაზე ძირითადი ფავორიტი იყო 52 კგ-მდე წონაში. იმ დროისათვის ის უკვე იყო მსოფლიო ჩემპიონი (1978 წელს) და ორჯერ ჰქონდა გამარჯვება მოპოვებული კონტინენტურ პირველობაში (1978, 1980). ამიტომ ოლიმპიადაზე ბლაგიძის გამარჯვება უნგრელ ლაიოშ რაცზე აბსოლუტურად კანონზომიერი იყო. ერთი წლის შემდეგ კი ის კიდევ ერთხელ გახდა მსოფლიო ჩემპიონი.

თემები:
ოლიმპიადა 1980 (15)

მთავარი თემები