ქართველი მოჭიდავეები კვლავ ევროპის ჩემპიონატის საპატიო კვარცხლბეკზე არიან

© photo: GeoWrestling / FB მოჭიდავე იური ლომაძე
მოჭიდავე იური ლომაძე - Sputnik საქართველო
გამოწერა
ბერძნულ-რომაული სტილით მოჭიდავეებმა რომში მიმდინარე ევროპის ჩემპიონატზე ოთხი ჯილდო – ორი ვერცხლისა და ორი ბრინჯაოს მედალი მოიპოვეს.

თბილისი, 13 თებერვალი — Sputnik. საქართველოს ნაკრების ბერძნულ-რომაული სტილით მოჭიდავეებმა რომში ევროპის ჩემპიონატის დასკვნით დღეს ორი მედალი მოიპოვეს.

იური ლომაძეს (-72) კარგი შანსი ჰქონდა კონტინენტის პირველობაზე ოქროს აღების, მაგრამ, სამწუხაროდ, ფინალში გერმანელ ფრანკ შტაბლერთან წააგო – გერმანელმა სპორტსმენმა დამაჯერებლად გაიმარჯვა - 6:2.

კიდევ ერთი მედალი – ბრინჯაო ამირან შავაძემ მიიღო. ის 60 კილოგრამამდე წონით კატეგორიაში ასპარეზობდა, სადაც მესამე ადგილისთვის ბრძოლაში რუსეთის წარმომადგენელს ჯამბოლატ ლოკიაევს მოუგო. შეხვედრა ანგარიშით 6:6 დასრულდა, მაგრამ გამარჯვება შავაძეს ერგო ბოლო ქულის აღების წესის თანახმად.

ამგვარად, ქართველმა ბერძნულ-რომაული სტილით მოჭიდავეებმა რომში ოთხი მედალი მოიგეს – ორი ვერცხლისა და ორიც ბრინჯაოსი. მანამდე ვიცე-ჩემპიონი გახდა ლევან არაბული (-130), ხოლო ბრინჯაოს პრიზიორი – ნუგზარ წურწუმია (-55).

ოქროს მედლების არარსებობამ ქართულ ნაკრებს საშუალება არ მისცა, რომ საერთო გუნდურ ჩათვლაში კარგი შედეგი ეჩვენებინა. ნაკრებმა მეცხრე ადგილი დაიკავა. აქ გაიმარჯვა აზერბაიჯანის ნაკრებმა, რომელმაც ორი ოქრო და ოთხი ბრინჯაო მოიგო.

ყველა ახალი ამბავი
0