10:45 27 იანვარი 2020
პირდაპირი ეთერი
  • EUR3.1870
  • 100 RUB4.6730
  • USD2.8870
სპორტი
მოკლე ბმულის მიღება
სპორტის ამბები (570)
42 0 0

საქართველოს პირველი ჩოგანი ნიკოლოზ ბასილაშვილი АТР-ს რეიტინგში 26-ე პოზიციიდან ჩამოქვეითდა და ახლა 29-ე ადგილზეა.

თბილისი, 14 იანვარი – Sputnik. ქართველი ჩოგბურთელი ალექსანდრე მეტრეველი АТР-ს განახლებულ რეიტინგში 121 პოზიციით მაღლა ავიდა და ახლა 557-ე ადგილზეა.   

ახლახან ავსტრალიაში დასრულებულ АТР Cup-ის ტურნირზე საქართველო–ურუგვაის ნაკრებებს შორის გამართულ მატჩში მეტრეველმა ფრანკო რონკადელი დაამარცხა ანგარიშით 6:2, 6:1. სწორედ 26 წლის ქართველი სპორტსმენის ამ გამარჯვების წყალობით გახდა შესაძლებელი რეიტინგში ასეთი „ნახტომის გაკეთება“.

რაც შეეხება საქართველოს პირველ ჩოგანს ნიკოლოზ ბასილაშვილს, მან საკუთარი პოზიციები გარკვეულწილად დათმო და АТР-ს რეიტინგში 26-ე პოზიციიდან 29-ზე ჩამოქვეითდა.

საკუთარი მდგომარეობის გაუმჯობესებას მსოფლიოს უძლიერესი ჩოგბურთელების ჩამონათვალში ბასილაშვილი Australian Open-ზე წარმატებით გამოსვლის შემდეგ შეძლებს. ამისთვის ის „დიდი სლემის“ მიმდინარე სეზონის პირველი ტურნირის მესამე წრეში უნდა გავიდეს. გასულ წელს ბასილაშვილმა სწორედ ამ სტადიაზე დაუთმო ბერძენ სტეფანო ციციპასს (3:6, 6:3, 6:7, 4:6).

მიმდინარე წლის Australian Open სტარტს 20 იანვარს აიღებს და 20 თებერვლამდე გაგრძელდება. ტურნირის საერთო საპრიზო ფონდი 49 მლნ დოლარამდეა, მამაკაცთა შორის მოქმედი გამარჯვებული კი სერბი ნოვაკ ჯოკოვიჩია.

თემები:
სპორტის ამბები (570)

მთავარი თემები