თბილისი, 9 იანვარი — Sputnik. თავისუფალი სტილით მოჭიდავე გენო პეტრიაშვილმა საუკეთესო მოჭიდავეების 2019 წლის რეიტინგში მესამე ადგილი დაიკავა. რეიტინგი ჭიდაობის საერთაშორისო ფედერაციამ (United World Wrestling, UWW) შეადგინა, ნათქვამია ორგანიზაციის ოფიციალურ ვებ-გვერდზე.
გენო პეტრიაშვილი ყველაზე ძლიერია: ქართველი მოჭიდავე მსოფლიო რეიტინგის სათავეშია>>
სპორტსმენებს მოგებული ტურნირებისა და ქულების მიხედვით აფასებენ.
საუკეთესო თავისუფალი სტილით მოჭიდავედ აღიარეს იტალიელი ჩამისო მარკესი, მეორე ადგილზეა მსოფლიოს მოქმედი ჩემპიონი ჯეიდენ კოქსი.
ბერძნულ-რომაული სტილით მოჭიდავეებს შორის საუკეთესოდ აღიარეს უნგრელი სპორტსმენი ვიქტორ ლორინცი, ხოლო ქალებს შორის – ამერიკელი ტამირა მენსა.
გენო პეტრიაშვილი 25 წლისაა. ის სამჯერ ზედიზედ გახდა მსოფლიო ჩემპიონი. ასევე არის რიო-დე-ჟანეიროში 2016 წლის ოლიმპიადის ბრინჯაოს პრიზიორი. ასპარეზობს 125 კილოგრამამდე წონით კატეგორიაში.
