22:50 17 ნოემბერი 2019
პირდაპირი ეთერი
  • EUR3.2779
  • 100 RUB4.6531
  • USD2.9723
ნიკოლოზ ბასილაშვილი

ბასილაშვილმა Rolex Paris Masters-ის პირველივე წრეში წააგო

© FB / Nikoloz Basilashvili
სპორტი
მოკლე ბმულის მიღება
სპორტის ამბები (456)
39 0 0

ბასილაშვილი ორ სეტში დამარცხდა თავის კარგად ნაცნობ მეტოქე მოლდოველ ჩოგბურთელთან, რომელსაც აქამდე ყველა შეხვედრა მოუგო

თბილისი, 29 ოქტომბერი — Sputnik. საქართველოს ჩოგბურთის ნაკრების ლიდერმა, მსოფლიოს 26-ე ჩოგანმა ATP-ს რეიტინგში ნიკოლოზ ბასილაშვილმა Rolex Paris Masters-ის ტურნირის პირველივე შეხვედრა წააგო.

ბასილაშვილი ორ სეტში 3:6, 2:6 დამარცხდა თავის კარგად ნაცნობ მეტოქე მოლდოველ ჩოგბურთელთან, ATP-ს ორგზის გამარჯვებულ რადუ ალბოტთან. ქართველი სპორტსმენი მას უკვე მეხუთედ შეხვდა. აღსანიშნავია, რომ პარიზში შეხვედრამდე 27 წლის ბასილაშვილმა ალბოტს ოთხივე მატჩი მოუგო.

თითქმის ექვსმილიონიანი საპრიზო ფონდის მქონე ელიტური ტურნირის პირველ ნომრად სერბი ნოვაკ ჯოკოვიჩია განთესილი, შემდეგ მოდიან რაფაელ ნადალი, როჯერ ფედერერი და დანილა მედვედევი.

ნიკოლოზ ბასილაშვილი Rolex Paris Masters-ზე კიდევ გამოვა, ოღონდ წყვილთა დაპირისპირებაში.

თემები:
სპორტის ამბები (456)

მთავარი თემები