06:40 25 ოქტომბერი 2020
პირდაპირი ეთერი
  • EUR3.8137
  • 100 RUB4.2174
  • USD3.2202
სპორტი
მოკლე ბმულის მიღება
სპორტის ამბები (864)
6010

სპორტსმენებმა თავიანთ წონით კატეგორიებში ვერ გაიმარჯვეს, მაგრამ ტურნირი მედლების გარეშე მაინც არ დატოვეს

თბილისი, 27 ოქტომბერი - Sputnik. ქართველმა ძიუდოისტებმა ლუკა მაისურაძემ და ავთანდილ ჭრიკიშვილმა ვერცხლის და ბრინჯაოს მედლები აიღეს „დიდი სლემის“ სერიის ტურნირზე, რომელიც აბუ-დაბიში დასრულდა.

მაისურაძე 81 კგ-მდე წონითი კატეგორიის ფინალში გავიდა, სადაც სამხრეთ კორეის წარმომადგენელ მუნ ჟინ ლისთან დამარცხდა, ხოლო ჭრიკიშვილმა 90 კგ-მდე წონით კატეგორიაში მესამე ადგილისთვის ბრძოლაში სერბ ნემანია მაჯოვს აჯობა.

ჭრიკიშვილისთვის აბუ-დაბიში მოპოვებული ბრინჯაოს მედალი სეზონზე მეორე გახდა. აპრილში ქართველმა ძიუდოისტმა ანტალიის გრან-პრიზე მესამე ადგილი დაიკავა.

აბუ-დაბის ტურნირის გამარჯვებული 90 კგ-მდე წონით კატეგორიაში გახდა მსოფლიო რეიტინგის ლიდერი ნიკოლოზ შერაზადიშვილი, რომელიც ესპანეთის სახელით ასპარეზობს.

საქართველოს ძიუდოს ნაკრებმა მსოფლიო ჩემპიონატზე ბრინჯაო მოიპოვა >>

საერთო ჯამში საქართველოს ნაკრებს აბუ-დაბიში გამართულ შეჯიბრებებზე რვა ძიუდოისტი წარმოადგენდა.

„დიდი სლემის“ სერიის მომდევნო ტურნირი, რომელშიც ქართველი ძიუდპისტები მიიღებენ მონაწილეობას, ოსაკაში (იაპონია) 22-24 ნოემბერს გაიმართება.

თემები:
სპორტის ამბები (864)

მთავარი თემები