ბასილაშვილმა ნადალს მხოლოდ ერთი გეიმი მოუგო

© photo: Sputnik / Alexey Filipov / გადასვლა მედიაბანკშირაფაელ ნადალი
რაფაელ ნადალი - Sputnik საქართველო
გამოწერა
ქართველმა ჩოგბურთელმა 90 სარეიტინგო ქულა და 64 ათასი ევრო გამოიმუშავა.

თბილისი, 17 მაისი – Sputnik. საქართველოს პირველმა ჩოგანმა ნიკოლოზ ბასილაშვილმა (АТР-ს რეიტინგით მე-18 ნომერი) რომში მიმდინარე „მასტერსის“ სერიის ტურნირზე ასპარეზობა დაასრულა.

მერვედფინალში ქართველი ჩოგბურთელი Internazionali BNL d'Italia-ს მოქმედ გამარჯვებულს, ესპანელ რაფაელ ნადალს შეხვდა და ორ სეტში დამარცხდა – 1:6, 0:6. მატჩი ერთი საათი და ორი წუთი გაგრძელდა. 

ნიკოლოზ ბასილაშვილი - Sputnik საქართველო
რამ განაპირობა ნიკოლოზ ბასილაშვილის АТР-ს რეიტინგში ჩამოქვეითება

ბასილაშვილმა საკუთარ ჩაწოდებაზე მხოლოდ ერთი გეიმის აღება შეძლო. კორტებზე დანარჩენ დროს ნადალი დომინირებდა. აღსანიშნავია, რომ ესპანელმა მხოლოდ 10 შეცდომა დაუშვა, მაშინ, როდესაც ეს მაჩვენებელი ბასილაშვილის შემთხვევაში 30-ს გადასცდა.

ჩოგბურთელებს შორის შეხვედრის ანგარიში გახდა 3:0 ნადალის სასარგებლოდ. 2017 წელს ესპანელმა ბასილაშვილი „როლან გაროსის“ კორტებზე დაამარცხა 6:0, 6:1, 6:0, გასულ წელს კი US Open-ზე – 6:3, 6:7, 6:4.

მიუხედავად მერვედფინალში დამარცხებისა, ბასილაშვილმა 90 სარეიტინგო ქულა და საპრიზო 64 ათას ევროზე მეტი გამოიმუშავა.

ეს შედეგი ჩოგბურთელს АТР-ს განახლებულ რეიტინგში რამდენიმე პოზიციით დაწინაურების შესაძლებლობას მისცემს, რომელიც ორშაბათს, 20 მაისს გამოქვეყნდება.

რომის „მასტერსი“ 19 მაისამდე გაგრძელდება, ტურნირის საერთო საპრიზო ფონდი 5 207 ათას ევროს შეადგენს, საიდანაც გამარჯვებული 950 ათას ევროზე მეტს მიიღებს.

ყველა ახალი ამბავი
0