10:11 17 ნოემბერი 2019
პირდაპირი ეთერი
  • EUR3.2779
  • 100 RUB4.6531
  • USD2.9723
საქართველოს ჰოკეის ნაკრები

საქართველოს ჰოკეის ნაკრებმა მსოფლიო ჩემპიონატზე პირველი გამარჯვება მოიპოვა

© photo : Georgian Ice Hockey Federation / Tatiana Kozyulina
სპორტი
მოკლე ბმულის მიღება
სპორტის ამბები (454)
118 0 0

საქართველოს გუნდმა მექსიკის ნაკრები დაამარცხა.

თბილისი, 23 აპრილი — Sputnik. საქართველოს ყინულის ჰოკეის ნაკრებმა პირველი გამარჯვება მოიპოვა მსოფლიო ჩემპიონატის მეორე დივიზიონში, რომელიც ამ დღეებში მექსიკაში იმართება.

В ჯგუფის მეორე მატჩში როლანდ სვანიძის გუნდმა მექსიკის ნაკრები დაამარცხა ანგარიშით 3:2.

შეხვედრის მთავარი გმირი საქართველოს ნაკრების თავდამსხმელი ალექსანდრ ვასილჩენკო გახდა, რომელმაც მასპინძლის კარში სამი შაიბა გაიტანა – თითო პერიოდში თითო გოლი.

მატჩის ბოლოს მექსიკელებმა მეკარე მოედნის მოთამაშით შეცვალეს და უმრავლესობით შეეცადნენ ანგარიშის გათანაბრებას, თუმცა საქართველოს ნაკრებმა შეძლო მასპინძლის ფინალური შეტევის მოგერიება და ანგარიშის შენარჩუნება.

მსოფლიო ჩემპიონატზე ჩატარებული ორი მატჩის შემდეგ ქართულ გუნდს საკუთარ აქტივში ერთი გამარჯვება და ერთი წაგება აქვს. პირველ შეხვედრაში ქართველმა სპორტსმენებმა ჩრდილოეთ კორეის გუნდთან დათმეს ანგარიშით 4:9.

ქართული გუნდი შემდეგ მატჩს 24 აპრილს გამართავს ახალ ზელანდიასთან.

ტურნირის რეგლამენტის თანახმად, ჯგუფის გამარჯვებული ჩემპიონატის პირველ დივიზიონში საგზურს მიიღებს, ყველაზე სუსტი გუნდი კი მესამე დივიზიონში გადაინაცვლებს.

 

თემები:
სპორტის ამბები (454)

მთავარი თემები