07:47 14 ნოემბერი 2018
პირდაპირი ეთერი
  • EUR3.0517
  • 100 RUB4.0048
  • USD2.7155
რევაზ დავითაძე

საქართველომ ძალოსნობაში მსოფლიო ჩემპიონატზე პირველი მედალი მოიპოვა

© FB / Georgian Weightlifting Federation
სპორტი
მოკლე ბმულის მიღება
6310

ქართველ სპორტსმენს გამარჯვებისთვის ერთი კილოგრამი დააკლდა.

თბილისი, 7 ნოემბერი — Sputnik. ქართველი ძალოსანი რევაზ დავითაძე (-89 კგ) ბრინჯაოს პრიზიორი გახდა მსოფლიო ჩემპიონატზე, რომელიც აშხაბადში (თურქმენეთი) მიმდინარეობს.

ორჭიდში დავითაძემ 371 კილოგრამი მოაგროვა (168 აკვრაში და 203 - ატაცში). აღსანიშნავია, რომ ამ მაჩვენებლებით 20 წლის დავითაძემ ორივე დისციპლინაში იუნიორთა შორის მსოფლიო რეკორდი დაამყარა.

მსოფლიო ჩემპიონი ამ წონით კატეგორიაში რუსეთის წარმომადგენელი არტიომ ოკულოვი გახდა, რომელმაც ქართველს ერთი კილოგრამით აჯობა. ვერცხლი ბელარუსის წარმომადგენელს პაველ ხადასევიჩს ერგო.

მიმდინარე მსოფლიო ჩემპიონატზე დავითაძის ბრინჯაო პირველი მედალი გახდა საქართველოს ნაკრებისთვის. მსოფლიო პირველობის დასრულებამდე მამაკაცებს შორის ჯილდოები კიდევ ოთხ წონით კატეგორიაში გათამაშდება. საქართველოს ნაკრებს წარადგენენ ანტონ პლესნოი (-96), ირაკლი ჩხეიძე (-102), ირაკლი თურმანიძე (-109) და ლაშა ტალახაძე (+109).

მსოფლიო ჩემპიონატი ძალოსნობაში 10 ნოემბერს დასრულდება.

 

მთავარი თემები